ސީއެންއެމްއަށް މައުލޫމާތު ދެމުން ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރު ޝިމާޒް އަލީ ވިދާޅުވީ 1 ގަރާޖެއްގައި 1 އުޅަދަށްވުރެ ގިނަ އުޅަދުތަކެއް ރަޖިސްޓްރީ ކުރުމުގެ މައްސަލައިގައި މިހާތަނަށް 2 ގަރާޖެއްގެ މައްޗަށް ފިޔަވަޅު އަޅާފައިވާ ކަމަށެވެ.
އެގޮތުން ޝިމާޒް ވިދާޅުވީ 2 ގަރާޖެއްގައި ގަވައިދާ ހިލާފަށް ގިނަ އުޅަދުތަކެއް ރަޖިސްޓްރީ ކޮށްފައިވާ ކަމަށް ލިބުނު މައުލޫމާތުގެ އަލީގައި ފުލުހުންނާއި ގުޅިގެން ބަލާ ފާސްކުރި އިރު ގިނަ އުޅަދުތަކެއް ރަޖިސްޓަރީކޮށްފައިވާ ކަމަށް ފާހަގަކުރެވުނުކަމަށެވެ.
އެހެންކަމުން މިހާރުވާނީ އެ އުޅަދުތަކުގެ ރަޖިސްޓްރޭޝަން ކެންސަލް ކޮށްފައި ކަމަށާއި އަދި އެ ގަރާޖުތަކާ މެދުގައިވެސް ފިޔަވަޅު އަޅާފައި ކަމަށް ޝިމާޒް ވިދާޅުވި އެވެ.
ރާއްޖޭގެ 1 ގަރާޖެއްގައި ގިނަ އުޅަދުތަކެއް ރަޖިސްޓްރީ ކުރުން ވެގެން ގޮސްފައި ވަނީ ވަރަށް ބޮޑު މައްސަލައަކަށެވެ. ނަމަވެސް މި ކުށުގައި ފިޔަވަޅު އެޅިގެންދާ މަންޒަރު ފެނިފައިވަނީ މަދު ބަޔަކާ މެދުގައެވެ.
