ހަޔާ އެޑިއުކޭޝަން މިނިސްޓްރީން ބުނެފައިވަނީ އެ މިނިސްޓްރީ މެދުވެރިވެގެން ސްކޮލާޝިޕް ފުރުސަތުތަކުގައާއި މަތީ ތައުލީމާއި ތަމްރީނަށް ދޭ ލޯނުގެ އެހީ އަދި އަމިއްލަ ހަރަދުގައި ރާއްޖޭން ބޭރުގައި ކިޔަވަމުންދާ ދަރިވަރުންގެ ތެރެއިން މިވަގުތު ރާއްޖޭގައި ތިބި ދަރިވަރުން ކޮވިޑް 19 ގެ ވެކްސިން ދެ ޑޯޒް ފުރިހަމަކުރުމަށްފަހު އެނބުރި ރާއްޖޭން ބޭރަށް ދިއުމަށް އެދެމުން އަންނަ ކަމަށެވެ.
އެ ސަބަބާހުރެ އެނބުރި ކިޔަވަން ދިއުމުގެ ކުރިން ވެކްސިންގެ ފުރަތަމަ ޑޯޒް ޖެހުމަށްފަހު މަދުވެގެން ހަތަރު ހަފްތާ ހަމަކޮށް ވެކްސިންގެ ދެވަނަ ޑޯޒު ޖެހޭނެ މުއްދަތު އޮތް ދަރިވަރުން ރަޖިސްޓްރީވާން މިހާރު ވަނީ ހުޅުވާލައިފަިވާ ކަމަށް އެ މިނިސްޓަރީއިން ވަނީ ބުނެފައެވެ.
ރާއްޖޭގައި އިންޑިއާ ސަރުކާރުގެ ހިލޭ އެހީގެ ދަށުން ލިބުނު ކޮވިޝީލްޑް ވެކްސިން ޖަހަން ފަށާފައި ވަނީ މިމަހުގެ އެއްވަނަ ދުވަހުގަ އެވެ. އަދި މިހާތަނަށް 43،817 މީހުން ވަނީ ރާއްޖެއިން ވެކްސިން ޖަހާފަ އެވެ.
