ބުރާސްފަތި ދުވަހުގެ ރޭ ކުޅުނު މި މެޗަކީ ސޮސިއެޑާޑްގެ ހޯމް މެޗެވެ. އެކަމަކު މި މެޗު ކުޅުނީ އިޓަލީގައެވެ. އެއީ ކޮވިޑާ ގުޅިގެން އަޅާފައިވާ ރައްކާތެރިކަމުގެ ހަރުކަށި ފިޔަވަޅުތަކުގެ ތެރެއިން އިންގްލޭންޑުން ސްޕެއިންއަށް ދަތުރުކުރެވޭނެ ގޮތެއް މި ވަގުތު ނެތުމުންނެވެ. އެހެންކަމުން ޔުނައިޓެޑުގެ އަވޭ މެޗުގައި މި ހޯދި ތަފާތު ބޮޑު ނަތީޖާގެ ސަބަބުން ޔުނައިޓެޑަށް މުބާރާތުގެ ކުއާޓާރގެ ފުރުސަތު ދެން ގެއްލޭނީ، ޔުނައިޓެޑުގެ ހޯމް މެޗުން ފަސް ލަނޑުގެ ތަފާތަކުން ބަލިވެގެންނެވެ.

ސޮސިއެޑާޑް- ޔުނައިޓެޑު މެޗުގައި ޔުނައިޓެޑުގެ ލަނޑުތައް ޖެހީ ބްރޫނޯ ފެނާންޑޭސް، މާކަސް ރަޝްފޯޑް އަދި ޑެނިއަލް ޖޭމްސްއެވެ. ފެނާންޑޭސް ދެ ލަނޑު ޖެހިއެވެ.