އެ ޕްރޮގްރާމްގައި ވާހަކަ ދައްކަމުން ދެމީހުން ދިމާވިގޮތް ހިއްސާކުރަމުން ރިތޭޝް ބުނެފައިވަނީ ދެމީހުން އެންމެ ފުރަތަމަ ދިމާވެފައިވަނީ އެކީގައި ކުޅުނު ފުރަތަމަ ފިލްމުގެ ޝޫޓިންގެ ކުރިން އެއާޕޯޓެއްގެ ތެރެއިން ކަމަށެވެ.
އެތަނުން އޭނާއަށް ޖިނީލިއާ ތައާރަފް ކޮށްދިނީ ޖިނީލިއާގެ މަންމަ ކަމަށާއި ފުރަތަމަ ދުވަހުވެސް ޖިނީލިއާ ވަރަށް “އެޓިޓިޔުޑް” ދެއްކި ކަން ފާހަގަކުރެވުނު ކަމަށެވެ.
ޖިނީލިއާ ބުނީ ފުރަތަމަ ދިމާވެގެން އެހާ ބޮޑަށް ވާހަކަ ދައްކަން ބޭނުންނުވީ ރިތޭޝް އަކީ މުއްސަނދި އާއިލާއަކަށް ނިސްބަތްވާ މީހެއް ކަމަށްވާތީއާއި އޭނާ ނިސްބަތް ވަނީ އާދައިގެ އާއިލާއަކަށް ކަމަށްވާތީ ކަމަށެވެ.
ޖިނީލިއާ ބުނީ ރިތޭޝް އޭނާ އާއި ވާހަކަދެއްކި ފުރަތަމަ ދުވަހުވެސް އެންމެ ފުރަތަމަ އެހީ ނަމުގެ ވާހަކަ ކަމަށެވެ. އެގޮތުން އޭނަމާއަށް ކިޔަނީ “ޖިންނި” ތޯ ރިތޭޝް ސުވާލުކުރިކަމަށް ޖިނޭލިއާ ކިޔާދިނެވެ.
އެހެންނަމަވެސް ރިތޭޝް އޭނާއަށް ކިޔަނީ “ޖީންސް” ކަމަށް ޖިނޭލިއާ ކިޔާދިނެވެ. އެގޮތުން ކައިވެނި ކޮށްގެން ފުރަތަމަ ރިތޭޝްގެ ގެޔަށް ގޮސް ވެސް ރިތޭޝް ވާހަކަ ދައްކަނީ “ޖީންސް” ކިޔާފައި ކަމަށާއި އެހެން ކިޔަނީ ކީއްވެތޯ ރިތޭޝްގެ މަންމަ ވެސް އެހިކަމަށް ޖިނޭލިއާ ބުންޏެވެ.