ސަސްޕެންޑުކުރުމާއި ގުޅިގެން ސަރުކާރުގެ ގައުމީ ޔުނިވާސިޓީގެ އެޗްއާރަށް ފޮނުވި ސިޓީގައި ޑރ. އިޔާޒު ވަނީ އެ ތުހުމަތުތައް ސާފުކޮށްދިނުމުގެ އިތުރުން، އެ ތުހުމަތުތަކަށް ޖަވާބުދާރީވާން މުއްދަތެއް ދިނުމަށް ވެސް އެދިލައްވާފައެވެ.
އެ ސިޓީގައި ޑރ. އިޔާޒު ވަނީ އޭނާ އަކީ އިސްލާހަށް މަސައްކަތް ކުރާ މީހެއްކަމަށެވެ. އަދި ބުނަންވާ ހައްގުބަސް މޫނަކަށް ކަނދުރާއަކަށް ބެލުމެއްނެތި، ބުނަމުން ގެންދާނެކަމަށް ވެސް ވަނީ ވިދާޅުވެފައެވެ.
ޑރ. އިޔާޒު ސަސްޕެންޑު ކޫރީ ސޯސަލް މީޑިއާގައި ފަތުރަމުން ގެންދާ ހިޔާލުތަކަކާއި ގުޅިގެން ލިބުނު ޝަކުވާތަކެއްގެ މައްޗަށް ބެލުމަށްފަހުކަމަށް ބުނާއިރު، ޑރ. އިޔާޒު ގެންދަވަނީ ރާއްޖޭގައި މިސްކިތްތަކުގައި ގައިދުރުކޮށް ސަފު ހެދުމާއި ދެކޮޅަށް އަޑު އުފުލައްވަވާ ސޯޝަލް މީޑިއާގައި ވާހަކަ ދައްކަވަމުންނެވެ.
ކޮވިޑް 19 ގެ ހާލަތު ގޯސް ވުމުގެ ސަބަބަބުން މާލޭ ސަރަހައްދުގައި އުމުރުން ދުވަސްވީ މީހުން މިސްކިތްތަކަށް ނުދިއުމަށާއި، މިސްކިތްތަކުގައި ގައިދުރުކޮށް ސަފު ހެދުމަށް އިސްލާމިކް މިނިސްޓްރީން އަންގާފައެވެ.