މިއަދުގެ ޖަލްސާއަށް ވަނީ މިނިސްޓަރު އަސްލަމް ހާޒިރުކޮށް ސުވާލުކޮށްފަ އެވެ.
ހައުސިން ޔުނިޓުތަކުގެ ތަފްސީލް ދެއްވަމުން މިނިސްޓަރު އަސްލަމް ވިދާޅުވީ މިހާތަނަށް ބެލިބެލުމުން 17،000 ރުފިޔާގެ ދަށުގެ އާމްދަނީ އެއް ލިބޭ އާއިލާތަކަކީ ރާއްޖޭގައި ފަގީރު އާއިލާތަކުގެ ގޮތުގައި ބެލޭ އާއިލާތައް ކަމަށާއި ބޯހިޔާވަހިކަމެއް ހޯދުމަށް ގެދޮރު ގަތުމުގެ ތަނަވަސްކަން އެ އާއިލާތަކުގައި ނުހުންނާނެ ކަމަށެވެ.
އެހެންކަމުން މާލޭ ސަރަހައްދުގެ 3000 އާއިލާއަކީ އެމީހާގެ އާމްދަނީއަށް ބެލުމުން ކައުންސިލް ހައުސިންއަށް ފެތޭ އާއިލާތައް ކަމަށް މިނިސްޓަރު އަސްލަމް ވިދާޅުވި އެވެ. އަދި އެ ކައުންސިލް ހައުސިންގެ ކުއްޔަކީ މަހަކު 6000 ރުފިޔާކަމަށް މިނިސްޓަރު ވިދާޅުވިއެވެ.
އެހެންނަމަވެސް އެތަންތަނަކީ ކައުންސިލްތަކުގެ ބެލުުމުގެ ދަށުގައި އޮންނަ ކައުންސިލްތަކުގެ “ޕްރޮޕަޓީއެއް” ކަމަށް މިނިސްޓަރު ވިދާޅުވި އެވެ.