ރައީސް މިހެން ވިދާޅުވީ ރައީސް އޮފީހުން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.
މިނިސްޓަރު އިމްރާން އަންހެނަކަށް ޖިންސީ ގޯނާ ކުރިކަމަށް ބުނާ އޯޑިއޯއެއް ލީކުވެފައި ވަނީ މިދިޔަ އަހަރުގެ ތެރޭގައެވެ. މި މައްސަލައިގައި އަންހެނަކު ވަނީ މިނިސްޓަރު އިމްރާން އޭނާއަށް ޖިންސީ ގޯނާ ކުރި ކަމުގެ ތުހުމަތު ކޮށްފައެވެ.
މި މައްސަލައާއި ގުޅެން މިއަދު ނޫސްވެރިއަކު ވަނީ ރައީސް ސޯލިހާއި ސުވާލު ކުރައްވާފައެވެ. އެ ސުވާލަށްޖަވާބު ދެއްވަމުން ރައީސް ވަނީ އެކަހަލަ ކަމެއް ހިނގާފައި ވޭތޯ ބަލާނެ ކަމަށް ވިދާޅުވެފަ އެވެ.
މި މައްސަލައިގައި އޯޑިއޯއެއް ލީކުވެފައި ވާއިރު، މިނިސްޓަރު އިމްރާނަށް ޖިންސީ ގޯނާގެ ތުހުމަތު ކުރި އަންހެން މީހާ މިނިސްޓަރު އިމްރާނާއި މަގުމަތިން ދިމާކޮށް ނުރުހުން ފާޅު ކުރާ ވީޑިއޯއެއް މިދިޔަ ޑިސެމްބަރު މަހުވަނީ އާންމު ވެފައެވެ.
މިހާތަނަށް މިމައްސަލައިގައި މިނިސްޓަރު އިމްރާން ވަކި އެއްޗެއް ވިދާޅުވެފައެއް ނުވެއެވެ.
