ޓްރާންސްޕޯޓު މިނިސްޓްރީގެ އައިޓީ މަސައްކަތްތައް ކުރުމަށް، އެއްވެސް ރަސްމީ މަގާމެއް ނެތި ވަންނަ މީހާއަކީ "ޓްރާންސްޕޯޓު މިނިސްޓަރު އައިޝަތު ނަހުލާގެ ކޮއްކޮގެ ގާތް ރަހުމަތްތެއެއް" ކަމަށް ވެސް އިތުބާރުހުރި މަސްދަރަކުން ވަނީ ސީއެންއެމްއަށް މައުލޫމާތު ދީފައެެވެ.
އަމިއްލަ މީހަކު މިގޮތައް ސަރުކާރު އޮފީސްތަކުގައި މަސައްކަތްކުރުމަކީ ސިވިލް ސާވިސްގެ ގަވައިދާ ހިލާފުކަމެކެވެ.
ޓްރާންސްޕޯޓު މިނިސްޓަރީއަށް ގަވާއިދާ ހިލާފަށް ވައްދައިގެން އުޅޭ މީހާ ލައްވާ އެތާންގެ މައުލޫމާތުތަށް ބަދަލުކުރަމުންދާ ކަމަށް ވެސް މަސްދަރުން މައުލޫމާތު ދެއެވެ.
އެއް ގަރާޖަކަށް ގިނަ ކާރު ރެޖިސްޓްރީ ކުރުމުގެ މައްސަލަތަކެއް މީގެ ކުރިން ވެސް ވަނީ އެ މިނިސްޓްރީގައި ފެންމަތިވެފައެވެ.
މިކަންކަމާއި ދެކޮޅުހަދާ މުވައްޒަފުންނަށް އެކި ގޮތްގޮތުން ފިޔަވަޅު އެޅުމަށް މަސައްކަތް ކުރާކަމަށް ވެސް މަސްދަރުން ބުންޏެވެ.
މިކަން މިހެން ހިނގާތާ މިހާރު 3 މަސް ވެފައިވާ ކަމަށާއި މިނިސްޓްރީގެ އެކި މުވައްޒަފުންގެ އެކައުންޓުތަކުން އެ މުވައްޒަފުން ނުކުރާ ބައެއް މުއާމަލާތުތައްވެސް ފަހަކަށް އައިސް ކޮށްފައި ހުންނަކަމަށް ދައްކާކަމަށް ވެސް މަސްދަރުން ބުންޏެވެ.
މި މައްސަލައިގައި ސީއެންއެމްއެމް އިން ސުވާލުކުރުމުން މިނިސްޓަރު އައިޝަތު ނަހުލާ ވިދާޅުވެފައިވަނީ، ޓްރާންޕޯޓުގައި ގަވާއިދާ ހިލާފަށް އެއްވެސް މީހަކު މަސައްކަތްނުކުރާކަމަށެވެ.