މޫސުން ގޯސްވާނެ ކަމަށް ލަފާކޮށް ގއ. އަތޮޅުން ފެށިގެން އައްޑޫސިޓީއަށް ވައިޓް އެލާޓް ނެރެފި
ފާތިމަތު އަހްމަދު ޝަރީފް
19 މާރޗް 2021 - 17:16:19
މޫސުން ގޯސްވާނެ ކަމަށް ލަފާކޮށް ގއ. އަތޮޅުން ފެށިގެން އައްޑޫސިޓީއަށް ވައިޓް އެލާޓް ނެރެފި އެވެ.
މި ސަރަހައްދުތަކަށް ބޯކޮށް ވާރޭވެހުމާއިއެކު ގުގުރާނެ ކަމަށް މޫސުމާއި ބެހޭ ގައުމީ އިދާރާއިން ވަނީ ލަފާކޮށްފައެވެ.
މިއަދުގެ މެންދުރު ވެސް މެޓުން ވަނީ އެ ސަރަހައްދަށް ވައިޓް އެލާޓް ނެރެފައެވެ. އެހެންނަމަވެސް ބޯކޮށް ވާރޭވެހުމާއިއެކު ގުގުރާނެ ކަމަށް ލަފާކޮށް މެންދުރު 12:00 އިން 16:00 އަށް ނެރެފައިވާ އެ އެލާޓުގެ މުއްދަތު ހަމަވިއިރުވެސް އެ ސަރަހައްދައް މޫސުން ގޯސްވާނެ ކަމަށް ލަފާކުރެވޭތީ އެ މުއްދަތު ދިގުކޮށް ހަވީރު 16:30 ފެށިގެން ރޭގަނޑު 22:00އަށް މިހާރު ވަނީ އެ އެލާޓުގެ ދަންމާލާފައެވެ.
މެޓުން ބުނީ ކަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެވަރަކަށް ގަދަ ވާނެ ކަމަށެވެ. ރާޅުގެ އުސްމިން އުޅޭނެ ކަމަށް ލަފާކޮށްފައިވަނީ، އެއް ފޫޓާއި ހަތަރު ފޫޓާއި ދެމެދުގައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް