ޒަމާނީ ފެންވަރަށް ހަދާފައިވާ އެ އެޕާޓުމެންޓްގެ ކޮންމެ ކަނެއް ޒީނަތްތެރި ކޮށްލާފައިވާލެއް ރީތިކަމުން އެއީ ހަމަ ހަގީގަތުގައިވެސް އައްޒަގެ އެޕާޓްމެންޓެއްތޯވެސް ވަނީ ސުވާލު އުފައްދާފައެވެ.
ގަބޫލްކުރަން ދަތިވިޔަސް އެއީ ހަމަ އައްޒަ އާއި އޭނަގެ ފިރިމީހާ މުއާ މިވަގުތު ދިރިއުޅޭ އެޕާޓުމެންޓެވެ. އައްޒަގެ ސޯޝަލް މީޑިއާ ބައެއް ސްޓޯރީތަކުން އަދިވެސް އެޕާޓުމެންޓްގެ ބައެއް ތަންތަން ފެންނައިރު ގިނަ ބަޔަކު އެންމެ އަޅައިގަތީ ބަދިގެ ތެރެއެވެ.
އެގޮތުން މާބުލް ޖެހި ކާ މޭޒުމަތީގައި ބަހައްޓާފައިވާ އަގުބޮޑު ކާތަށިތަކުގެ އިތުރުން އެދިމާ ކުޑަދޮރުން އިރުއޮއްސޭ ގަޑީގައި އެފެންނަ ހިތްގައިމް "ސަން ސެޓް" އަކީވެސް އިތުރަށް އެ އެޕާޓުމެންޓްގެ ރީތިކަން ހާމަކޮށްދޭ އެއް ކަމެވެ.
ފޮޓޯ: އިންސްޓަގްރާމް
އިއްޔެ އައްޒަ މިވަނީ ފޭނުންނަށް އެ މަންޒަރުވެސް ދައްކާލާފައެވެ. ވީޑިއޯއިން ފެންނަ ގޮތުން އިރު އޮއްސޭ ގަޑީގައި އެ ފެންނަ ސަންސެޓްވެސް ވަރަށް ރީތިކޮށް ފެނެއެވެ.
މިއީ މަދުން ނޫނީ މި ތޮއްޖެހިފައިވާ މާހައުލުން ގޭގައި ހުރެ ބަލާލަން ނުފެންނާނެ މަންޒަރެކެވެ.
