އެގޮތުން ރައްޓެހިންނާއެކު ސަކަރާތް ޖަހަން އުޅެފައި އޭނާ ނެގި މި ވީޑިއޯއަކީ ވަރަށް ރެންޑަމް ވީޑިއޯއެއް ކަމަށް އޭނާ ބުނެ އެވެ. ބަސްތައް ޕްރޮނައުންސްކުރާ ގޮތުން، ގިނަ ބައެއްގެ ސަމާލުކަން ލިބިގެންދިޔައިރު ބޮލީވުޑުގެ ތަރިން ވެސް ވަނީ އެ ގޮތަށް ވާހަކަ ދައްކަން މަސައްކަތްކުރާ ވީޑިއޯތައް އާންމުކޮށްފަ އެވެ.
އެގޮތުން، "މިއީ އަހަރެމެންގެ ކާރު. މިއީ އަހަރެމެން. މިތަނުގައި އަހަރެމެންގެ ޕާޓީއެއް ކުރިއަށްދަނީ،" މިހެން ބުނާ މި ވީޑިއޯ އާންމުވެ އަންހެން ކުއްޖާ މަޝްހޫރުވީ "ޕާރީ" ގާލްގެ ނަމުންނެވެ.
އިސާހިތަކު އަންހެން ކުއްޖާ މަޝްހޫރުވެ، މިހާރު އިންސްޓަގްރާމުގައި އެކަނި ވެސް އޭނާ ފޮލޯކުރާ މީހުންގެ އަދަދު 1.3 މިލިއަނަށް އަރަ އެވެ.
މި ވީޑިއޯ އާންމުކުރުމާއެކު އިންޑިއާއަށް ނިސްބަތްވާ ގިނަ ބަޔަކަށް ވެސް ވީޑިއޯ ކަމުދިޔަ އެވެ. އަދި ޝެއާކުރަމުންދިޔައިރު އެމީހުން ވެސް އެގޮތަށް ވާހަކަ ދައްކަން މަސައްކަތްކުރި އެވެ. އިންޑިއާ އާއި ޕާކިސްތާނަކީ ޒަމާންވީ ހަތުރުން ނަމަވެސް މި ވީޑިއޯއާއެކު އެމީހުން ވެސް އެއް ބަޔަކު އަނެއް ބަޔަކަށް ހީސަމާސާކުރުމުން އުފާވާ ކަަމަށް އަންހެން ކުއްޖާ ބުނެ އެވެ.
