ބޮލީވުޑުގެ ކުޅަދާނަ ތަރި އާމިރު ހާނުގެ އަންހެން ދަރިފުޅު، އީރާ ވެސް މިވަނީ ފިލްމީ ދާއިރާއަށް ނުކުމެފަ އެވެ. އޭނާގެ ޝައުގުވެރިކަން ހުރީ ޑައިރެކްޓަރެއްގެ ގޮތުގައި މަސައްކަތް ކުރުމަށެވެ. އަދި މިހާރު އޭނާ އަންނަނީ ފުރަތަމަ ފިލްމު ޑައިރެކްޓު ކުރުމުގެ މަސައްކަތް ވެސް ކުރަމުންނެވެ.

ދާދިފަހުން އަމްބާނީ އާއިލާއިން ދިވާލީގެ މުނާސަބަތުގައި ބޭއްވި ހަފުލާގައި އީރާގެ އިތުރުން ކުރިކެޓް ކުޅުންތެރިޔާ ޔުވްރާޖު ސިންގް އަދި އޭނާގެ އަންހެނުން، ހަޒެލް ކީޗުގެ އިތުރަށް ވެސް ފިލްމީ ގިނަ ތަރިންތަކެއް ބައިވެރިވި އެވެ.

އިންސްޓަގްރާމު މެދުވެރިކޮށް ހަޒެލް އާންމުކުރި ފޮޓޯއިން އޭނާ ފެނިގެންދަނީ ވަރަށް ސަގާފީ ގޮތަކަށް ހެދުން އަޅާފައި ހުއްޓާ އެވެ. ފޮޓޯގެ ކެޕްޝަނުގައި އޭނާ ވަނީ އީރާއަށް ޝުކުރު އަދާކޮށްފަ އެވެ. ހަޒެލް ބުނީ އެ ހަފުލާގައި ބައިވެރިވުމަށް އޭނާއަށް ދެވުނީ ހަނދާން ނެތިގެން ޓޮޕްކޮޅު ބަހައްޓާފައި ކަމަށެވެ. އެކަމަކު އީރާ ވަނީ އޭނާގެ ހެދުމެއް ހިފައިގެން އައިސް އެ ހެދުން އޭނާއަށް ދީފައި ކަމަށް ވެސް ބުންޏެވެ.

އޭގެ އިތުރުން އީރާގެ ހެދުން ވެސް އޭނާއަށް ހެޔޮވަރު ކަމަށާއި އޭނާ ސަލާމަތްކޮށް ދިނީތީ ޝުކުރު އަދާކުރާ ކަމަށް ވެސް އެ ޕޯސްޓުގައި ހަޒެލް ބުންޏެވެ.

View this post on Instagram

What is friendship? Friendship is when carry your clothes to a shoot and you’re getting ready for a Diwali party but you forget your kurta at home...... so your friend loans her top! Thank you for your top @khan.ira you were my live saver! (And what a compliment/body loving moment that i fit into your top). Thanks for the photo Husband @yuvisofficial Happy Diwali from the Singhs ❤️ Jewellery by @jewellerybyasthajagwani

A post shared by Hazel Keech Singh (@hazelkeechofficial) on Oct 24, 2019 at 1:21pm PDT

އުމުރުން 22 އަހަރުގެ އީރާގެ ކުރިއަށް އޮތް ފިލްމުގެ ލީޑު ރޯލުން ފެނިގެންދާނީ ހަޒެލްއެވެ. މަދުމަދުން ފިލްމީ ދާއިރާއިން ވެސް އޭނާގެ މަސައްކަތްތައް ފެނެ އެވެ.

އަމްބާނީ އާއިލާއަކީ އިންޑިއާގެ އެންމެ މުއްސަނދި އެއް އާއިލާއެވެ. އެގޮތަށް އެމީހުން ބާއްވާ ހާއްސަ މުނާސަބަތުތަކުގައި އަބަދުވެސް ފިލްމީ ތަރިން ބައިވެރިކުރުވަ އެވެ.