ވެންޓިލޭޓަރު މައްސަލަ އަލުން ބަލަން ގޮވާލައި މަޑުއްވަރީ ދާއިރާގެ މެމްބަރު އާދަމް ޝަރީފު މިއަދު މަޖިލީހަށް ހުށަޙެޅުއްވި ކުއްލި މައްސަލައިގެ ބަހުސްގައި މީކާއިލް ވަނީ އޭނާ ނިސްބަތްވެވަޑައިގަންނަވާ އެމްޑީޕީއަށް މަޖިލީހުގެ ސުޕަ މެޖޯރިޓީ އޮވެމެ، އަދި ގައުމުގެ އެކި ގުނަންތަކުގެ މެޖޯރިޓީ ނަގައިގެން އޮވެ، ވައްކަމުގެ ލޭބަލް އެޅެމުންދާތީ ބިރުގަންނަ ކަމަށް ވިދާޅުވެފަ އެވެ.
އެގޮތުން ޕާޓީގެ އަސާސްތައް ނެތިދާކަމުގެ ބިރު ހީވުމަކީ ބިރު ގަންނަކަމެއްކަން ފާހަގަކުރައްވަމުން މީކާއިލް ވިދާޅުވީ ހެލްތު މިނިސްޓަރަށް ވައްކަމުގެ ތުހުމަތު ކުރެވުން ދަނޑިވަޅުގައި އެމްޑީޕީގެ ޕާލިމެންޓްރީ ގްރޫޕުން މަސައްކަތްތަކެއް ފެއްޓެވިކަން ފާހަގަކުރެއްވި އެވެ. އެކަމަކު ސަރުކާރެއްގެ ސިފައިގައި އަވަހަށް އަޅަން ޖެހޭ ފިޔަވަޅުތައް އެޅިފައި ނުވާތީ މީކާއިލް ވަނީ އެކަމުގައި ނުރުހުން ފާޅުކުރައްވާފަ އެވެ.
އޭގެ އިތުރުން، މީކާއިލް ވަނީ ގާނޫނު އަސާސީގައިވާ ގޮތުން ޕްރޮސެކިއުޓާ ޖެނަރަލްއަކީ މުސްތަގިއްލު، މިނިވަން ބޭފުޅެއް ކަމަށެވެ.
މީކައިލް ވިދާޅުވީ ރާއްޖެގެ ޓީވީގެ "މަޖާޒީ" ޕްރޮގްރާމެއްގައި ބައިވެރިވެވަޑައިގެން، ޕްރޮސެކިއުޓާ ޖެނަރަލް އޭސީސީން މިހާރު ބަލަމުން އަންނަ މައްސަލައަކާއި ގުޅިގެން ވާހަކަ ދެއްކެވުމަކީ ޕީޖީގެ މުސްތަގިއްލު ކަމާއި މެދު ސުވާލު އުފެދޭ ކަމެއް ކަމަށެވެ. އަދި ޕީޖީ ޝަމީމް މަގާމުގައި ބަހައްޓަވައިގެން ކުރިއަށް ދިއުމަކީ ލަދުވެތިވާން ޖެހޭ ކަމެއް ކަމަށް ވެސް ވިދާޅުވި އެވެ. އެގޮތުން އެމްޑީޕީ، ވަގު ލޭބަލުން ސަލާމަތްކުރަން ބޭނުންނަމަ ކުރަންޖެހޭ އެންމެ މުހިއްމު އެއް ކަމަކީ ޕާޓީގެ ޕާލިމެންޓް ގްރޫޕްގެ ބައްދަލުވުންތައް ލައިވްކުރުން ކަމަށެވެ. އަދި އެކަން ޕާލިމެންޓް ގްރޫޕްގެ ލީޑަރު އަލީ އާޒިމަށް ހުށަހަޅުއްވާނެ ކަަމަށް ވެސް މީކާއިލް ވިދާޅުވި އެވެ.
ވެންޓިލޭޓަރުގެ ހިޔާނާތާ ގުޅޭ މައްސަލައިގައި ދައުވާ ނުކުރަން ނިންމި ނިންމުން އަލުން މުރާޖާ ކުރަން މިއަދު ޕީޖީން ވަނީ ނިންމާފަ އެވެ.
ވެންޓިލޭޓަރުގެ މައްސަލައާ ގުޅިގެން ގިނަ ބައެއްގެ ފާޑުކިޔުން ޕީޖީއަށް އަމާޒުވެފައިވާއިރު ޕީޖީގެ މަގާމުގައި އެހެން ބޭފުޅަކު ހުންނަވައި، ވެންޓިލޭޓަރުގެ މައްސަލާގައި ދައުވާކޮށް، ވިން ކުރެވިދާނެތޯ ރާއްޖެ ޓީވީގެ ޕްރޮގްރާމުގައި ސުވާލު ކުރެއްވުމުން ޝަމީމް ވިދާޅުވީ، މިހާރު ހުރި ހެކިތަކުގެ މައްޗަށް ބިނާކޮށް ސާބިތުކުރެވިދާނެ ކަމަށް ނުބެލޭ ކަމަށެވެ.