ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ރައީސް މިހެން ވިދާޅުވީ، އުތުރުތިލަފަޅު އެއްބަސްވުމާއި ގުޅިގެން ނޫސްވެރިއަކު ކުރި ސުވާލަކަށް ޖަވާބު ދެއްވަމުން ނެވެ.
އެގޮތުން އުތުރުލިތަފަޅުގައި ތަރައްގީކުރާ ކަންތައްތަކަކީ މީގެ ކުރިން އެކި ސަރުކާރުތަކުން ވަމުން އައިސް ހުރި އެއްބަސްވުންތަކާއި އެއްގޮތަށް ކުރަމުން އައިސް ހުރި މަސައްކަތްތަކެއް ކަމަށެވެ.
ރައީސް ވިދާޅުވީ ގައުމުގެ މިނިވަންކަމަށް އަސަރުކުރާފަދަ އެއްވެސް ކަމެއް މިސަރުކާރުން ކޮށްފައި ނުވާނެ ކަމަށެވެ. އަދި މިފަދައިން ކުރާ އެއްވެސް އެއްބަސްވުމެއްގެ، މިހާތަނަށް އެއްވެސް ސަރުކާރެއްގައި ސީދާ އެއްބަސްވުން ހުރިގޮތަށް ހާމަކޮށްފައި ނުވާ ކަމަށް ރައީސް ވިދާޅުވިއެވެ.
ނަމަވެސް އޭގައި ހާމަކުރަންޖެހޭ ކަމެއް ހުރި ނަމަ ހާމަކުރަމުން އަންނަ ކަމަށް ރައީށް ފާހަގަ ކުރެއްވިއެވެ. އަދި ރައްޔިތުންގެ މަޖިލީހުގެ 241 ކޮމިޓީއާއި ހިއްސާކުރަންޖެހޭ ހުރިހާ މައުލޫމާތެއް ހިއްސާ ކުރަމުން އަންނަ ކަމަށް ރައީސް ވިދާޅުވިއެވެ.