ނަމަވެސް އެއީ އެހާވަރަށް މަންމަގެ ބަސް އަހާކުއްޖެއްކަމެއް ކުރިން އަހަންނަކަށް ނޭގެއެވެ. އަހަރެން އުޅެބޮޑުވީ މިނިވަންކަމަށް ލޯބިކުރާ އާއިލައެއްގައެވެ. ދަސްވެފަހުރީ އަމިއްލައަށް އުޅޭށެވެ. އެހެންމީހަކު ބުނާގޮތަށް ހުރިހާކަމެއްކުރުމަކީ އެއްއިރެއްގައި ވެސް އަހަރެން އާދަވެފަހުރިކަމެއްނޫނެވެ. ޖައިޝްއަކީ އޭގެ އިދިކޮޅެވެ. ކާން އިށީންނަނީ މަންމަބުނާގޮނޑިއެއްގައި ބުނާގޮތަކަށެވެ. އޮފީހަށްދާން ލާ ގަމީހާ ޓައިއަކީ ވެސް ކޮންމެ ދުވަހަކު ވެސް މަންމަގެ ހޮވުމެވެ. މީހާ ހުންނަގޮތުންފެށިގެން ވާހަކަދައްކާގޮތަކީ ވެސް މަންމަގެ އިރުޝާދެވެ. ޖައިޝް އަމިއްލަ އިޚްތިޔާރުގައި ކުރި ހަމައެކަނި ކަމަކީ އަހަންނާއި ކައިވެނިކުރުންހެން ވެސް ހީވެއެވެ.
ޖައިޝަގެ މަންމައަކީ ޒީލަގަދަ ގޮތްދޫނުކުރާ އަންހެނެއްވެސްމެއެވެ. ފުތަރަމަކޮޅު އޭނާގެ ހަރުކަށި އުސޫލުތަކާއި ގޭތެރޭގައި ހިންގާ އަމުރުތަކަށް އަހަރެން މާބޮޑު ސަމާލުކަމެއްނުދެމެވެ. ނަމަވެސް ޖައިޝްއަށް މަންމަ ބުނުމުން ނޫނީ ފިޔަވަޅުވެސް ނޭޅޭކަން އެނގެންފެށުމުން އަހަންނަށް އުނދަގޫވާންފެށިއެވެ. މަޑުމަޑުން ޖައިޝްއާ އެވާހަކަދެއްކީމެވެ. ނަމަވެސް ކޮންމެ ފަހަރަކު ވެސް ޖައިޝްގެ ގާތަށް އަންނަނީ ރުޅިއެވެ. ނަމަވެސް އަހަރެން ރުޅި އިސްނުކޮށް ކެތްތެރިކަމާއެކު ، މައިދައިތަގެ ހަރުކަށި އުސޫލުތަކަށް ފިރިމީހާ ކިޔަމަންވާތަން ބަލަން އުނދަގޫވީނަމަވެސް އެކަން ތަހައްމަލް ކޮށްގެން ހުރީމެވެ. ކެތްތެރިކަން ކޮޅުންލީ، މައިދައިތަ އަހަރެންގެ ކިބައިން އެދުނު އާދަޔާ ޚިލާފްކަމެއްގެ ސަބަބުންނެވެ.
މެންދުރު ކާން އިނދެގެން މައިދައިތަދެއްކި މި ނާތަހުޒީބު ވާހަކަ އަޑު އިވުމުން އަހަރެން ކޮށިއެރިއެވެ. އަހަރެންގެ ބުރަކަށީގައި ފިރުމާލާފައި ފެންތަށި ދިން އިރު ވެސް އޭނާގެ މަންމައެބުނި ވާހަކަ ކުޑަކޮށްވެސް ފަހުމް ވިހެނެއް ޖައިޝްގެ މޫނިމައްޗަކުން ހިއެއްނުވެއެވެ. އަހަރެން ކެއްސުން މައިތިރިވީމާ އެދެމީހުންގެ މޫނަށް ވަކިވަކިން ބަލާލީމެވެ. މާ ބޮޑުކަމެއްވީހެނެއް ހިޔެއްނުވެއެވެ.
އެރޭ ނިދަން އޮއްވާ ކުއްލިއަކަށް ސިއްސައިގެން ދިޔައީ މައިދައިތަ އައިސް ގޮވީމައެވެ. ބާވެ ހަފުސްވެފައޮތް ހަރުވާޅުހެދުމެއް ދިއްކޮށްލާފައި މީތި ލާށޭބުންޔެވެ. އަހަރެން އޭތި ލާނީ ކިހިނެއްހެއްޔެވެ. އޭގެން ދުވަނީ ވެސް ފީވަހެވެ. އަހަންނަކީ ވަކިގޮތަކަށް ހެދުން އަޅަން އާދަވެފަހުންނަމީހެކެވެ. ސާފުތާހިރު ގަޔަށްފަސޭހަ ޒަމާނާ ގުޅޭ ރީތި ހެދުން ނޫނީ އަހަރެން ލައިނޫޅެމެވެ. ކިރިޔާ ބާވެ ، ކުލަގޮސް، ހަޑިވެ ނޫނީ ގަޔަށް އުނދަގޫ ގޮތެއް ހުއްޓަސް އެހެދުމެއް އަހަންނަކަށް ނުލެވޭނެއެވެ. މައިދައިތަ ގެނައިކަހަލަ އެއްޗެއް ދުވަހަކުވެސް ނުލަމެވެ.
އަހަރެން ފާޅުގައި އެހެދުންލާން ދެކޮޅުހެދީމެވެ. މައިދައިތަ ގާތަށް އައީ ރުޅިއެވެ. ބެލުމެއްނެތި އަހަރެންގެ އިސްތަށިގަނޑުގައި ހިފާލަތްކެއްޖެހިއެވެ. ޖައިޝްއަށް މިމަންޒަރު ފެނުމުން ވެސް ހުރީ ހަދާނެ ގޮތެއްނޭނގި ދެކޮޅަށް ބަލާލަބާލާ ހުއްޓިފައެވެ. މައިދައިދަތަގެ އަތްފޮޅާލާފައި ސަލާމަތްވެގެން އަހަރެން ދުރަށް ޖެހިލީމެވެ.
އަހަރެން ވެސް އައި ރުޅީގައި ހަޅޭލަވައިގަތީމެވެ. ޖައިޝްގެ ފިނޑިކަމާއި ނުކުޅެދުންތެރިކަން އެރޭ އެނގިގެންދިޔައެވެ. އެފަދަ ނާތަހުޒީބު މަންމައަކާ ފިނޑި ފިރިއަކާ އެކު އެންމެ ހިނދުކޮޅަކުވެސް އުޅޭކަށް އަހަރެން ބޭނުމެއްނުވިއެވެ. ފޮށްޓަށް އެއްޗެހި އަޅައިގެން ވަގުތުން ގެއަށް ދިޔައީއެވެ.
ވަރިކުރަން ހުށަހެޅީ އަހަންނެވެ. ޖައިޝްހުރީ ފެންކަޅިވެފައެވެ. ވަރިވި ދުވަހު ކޯޓުކައިރިއަށް ވެސް ޖައިޝްގެ މަންމަދިޔައެވެ. އެދުވަހު އޭނާ ބުންޏެވެ.
ގަދަބަސް ބުނެ އެމިހާ އަހަނަށް މަލާތްކޮށް ހެމުން ދިޔައިރު އަހަރެންގެ ހިތުގައި ޖެހުނެވެ. އަހަރެން ޖައިޝްދެކެ ލޯބިވީތީއެވެ. އޭނާއާއި އެކު ރީތި ޒަވާޖީ ހަޔާތެއް ހޭދަކުރަން އުންމީދުކުރެވުނީތީއެވެ. ނަމަވެސް މިފަދަ ނުބައި މީހެއްގެ ކިބައިން ސަލާމަތް ވެވުނީތީ ވެސް ހިންހަމަޖެހުނެވެ.
އޭގެ ދެއަހަރު ފަހެވެ. ރަސްފަންނު ސަރަހައްދަށް ހިނގާލަން ގޮސްފައި ، އައި މަގުމަތިން ޖައިޝް، އައި.ޖީ އެމް. އެޗް އިން ނިކުންނަނިކޮށްފެނުނެވެ. އަހަރެން ޖައިޝްއަށް ގޮވާލީމެވެ. ޖައިޝް މަޑުމަޑުން އަހަރެންގެ ގާތަށް އައެވެ. އޭނާގެ މޫނުމަތިން ފާޅުވަނީ ހިތާމަވެރިކަމެވެ. އަހަރެންގެ އުނަގަނޑުގައި ހިފަހައްޓައިގެން ހުރި ފިރިމީހާ އައުފް، ޖައިޝަށް ތައާރަފްކޮށްދިނީމެވެ. އަދި ޓްރޮލީގައި އޮތް އަހަރެންގެ ދަރިފުޅު ލޫތްވެސް ދެއްކީމެވެ. ޖައިޝްހުރީ ރަކިވެފައި ހުންނަ މީހެއްފަދައިންނެވެ.
އެހިސާބަށް ޖައިޝްގެ ވާހަކަ ދިޔައިރު ދެމީހުންނަށް ވެސް އިސްޖަހާލެވުނެވެ. ޖައިޝްވަރަށް އުނދަގުލުން އަނެއްކާވެސް ކިޔައިދެން ފެށިއެވެ.
ޖައިޝްގެ ވާހަކަ ވަރަށް ވެސް ހިތާމަވެރިއެވެ. ދެރަވިއެވެ. އާނާގެ ހާލާއިމެދު ހަމްދަރްދީވެސް ވިއެވެ. އަހަރެންގެ ފިރިމީހާއަކީ ހަމުގެ ހާއްސަ ޑޮކްޓަރެކެވެ. އެވާހަކަ އަޑުއިވިފައި އޭނާވެސް ވަރަށް ދެރަވިއެވެ. އަދި އަހަރެމެން ވެވުނު ވަރަކުން ޖައިޝްގެ ދެމަފިރިންނަށް އެހީވާން ވައުދުވީމެވެ. ޖައިޝްގެ މަންމައަށް މިހާރު ހުންނާނީ ފިލާވަޅެއް ލިބިފައެވެ. އެމީހާގެ ޖާހިލުކަމާއި ކުރިކަންތައް ހިތައްއެރުމުން ހިނިވެސްއާދެއެވެ. ނަމަވެސް އެފަދަ ޖޯކުކަމަކުން މިފަދަހިތާމަވެރި ނަތީޖާއެއް ނިކުތުމުން ދެރަވެސްވެވެ. ބާހެދުންގަނޑެއްގެ ސަބަބަން އެތަށް ދިރިއުޅުމަކަށް އަސަރުކޮށްފިއެވެ. މިފަދަ ބޯދާ ހިޔާލުތަކާއި ނާތަހުޒީބު ވިސްނުންތަކުގެ ސަބަބުން ކިތައްމެ ދެރައެއްވެސް ލިބިދާނެއެވެ.
ނިމުނީ -
