އިދިކޮޅުން ވަނީ ސަރުކާރުން ވޯޓު އޮޅުވާލުމަށް އީސީއަށް ނުފޫޒުފޯރުވާ ކަމަށް ބުނެ މިއަދު އީސީ ސަރަހައްދުގައި މުޒާހަރާ ކޮށްފައެވެ.
މިކަމާ ގުޅިގެން އެމްޑީޕީން ނެރުނު ނޫސްބަޔާނެއްގައި ބުނެފައިވަނީ، ކައުންސިލް އިންތިހާބުގެ ވޯޓު ގުނުމުގެ މަސައްކަތް އީސީގައި ހިނގަމުން ދަނިކޮށް އެތަނަށް ޕީޕީއެމްގެ އިސްވެރިންނާއި ޕީއެންސީގެ ރައީސް ހިމެނޭ ގޮތަށް އިދިކޮޅުން ވަދެފައުވާ ކަމަށެވެ.
އިދިކޮޅުން އިލެކްޝަނަށް ވަދެ އީސީގެ މުވައްޒަފުންގެ މަސައްކަތް ކުރިއަށް ގެންދިއަ ނުދީ، އެ މަސައްކަތަށް ހުރަސްއަޅާފައިވާ ކަމަށް އެމްޑީޕީން ބުނެފައި ވެއެވެ. އަދި އެތަނުގައި ހަމަނުޖެހުން ހިންގައި ގަޔަށް އަތްލައި މާރާމާރީ ހިންގި ކަމަށް އެމްޑީޕީން ބުނެއެވެ.
އެމްޑީޕީން ވަނީ މި ކަމަކީ އެ ޕާޓީން އިންތިހާއަށް ކަންބޮޑުވާ ކަމެއްކަމުގައި ފާޙަގަ ކޮށްފައެވެ. އަދި އީސީގެ މުވައްޒަފުންގެ މަސައްކަތަށް ހުރަސްއަޅާ، އެތަނުގައި ހަމަނުޖެހުން ހިންގާ، މާރާމާރީ ހިންގި މީހުނާ މެދު ގާނޫނީ ގޮތުން އަޅަންޖެހޭ ފިޔަވަޅު އެޅުމަށް ގޮވާލާ ފައެވެ.
ވޯޓުގެ ނަތީޖާ އިއުލާނު ކުރުމުގެ މަސައްކަތް ދެށުށް ފެންނަ ގޮތަށް އީސީން ކުރުމުގެ ޖާގަދޭން އެމްޑީޕީން ވަނީ ގޮވާލާފައެވެ.
