ކުޑައިރު އެންމެ ކުރާހިތްވި "އެކްޓިން"ގެ ތެރެއަށްވެސް ޓިކްޓޮކްގެ ތެރެއިން ވަދެވި، ރާއްޖޭގެ ފިލްމީ ބޮޑެތި ޑައިރެކްޓަރުންގެ ކަޅިތައްވެސް އަމާޒުވި ޝިފާގެ ކަޅި އަމާޒުވެފައިވާ އެތަކެއް ޒުވާނުންނެއްވެސް އެބަތިއްބެވެ. އަދި އޭނާ ހުރީ ހުސްކޮށްތޯ ބަލާލަން ބޭނުންވާ އެތަކެއް ޒުވާނުންނެއްވެސް ތިބޭނެކަން ގައިމެވެ.
އެފަދަ ކުދިންނަށް މިއޮތީ ވަރަށްވެސް އުފާވެރި ހަބަރެކެެވެ. އޭނާ ހުރީ ހުސްކޮށެވެ. ޝިފާ މިކަން ހާމަކޮށްފައިވަނީ ޓީވީ ޝޯއެއްގެ ތެރެއިންނެވެ. އެ ޝޯގެ ތެރެއިން ޝިފާ ސިންގަލްތޯ އަހާލުމުން އޭނާ ވަނީ ލަދުން އާއެކޭ ބުނެފައެވެ. އެހެންނަމަވެސް އިތުރު ވާހަކައެއް ނުދައްކައެވެ. ޝިފާ މީގެ ކުރިން ކައިވެންޏެއް ކޮށްފައިވާއިރު، އެ ކައިވެންޏަށް ކުއްޖަކު ލިބިފައިވެއެވެ. އެހެންނަމަވެސް އޭނާ މިވަގުތު ހުރީ ހުސްކޮށެވެ.
އެހެންކަމުން މިއީ މި ސުވާލަށް ޖަވާބު ހޯދަން ބޭނުންވި އޭނާގެ ފޭނުންނަށާއި ދިވެހި ޒުވާނުންނަށްވެސް އުފާވެރި ހަބަރަކަށް ވާނެތާއެވެ.
ޝިފާގެ ޓިކްޓޮކް ފޮލޯވަރުންގެ ތެރޭގައި މިހާރުވެސް 78،000 އަށް ވުރެ ގިނަ ފޮލޯވަރުން އެބަތިއްބެވެ. އަދި އިންސްޓަގްރާމްގައި 30،000 ފޯލޯވަރުން އުޅެއެވެ.