ޑރ. ވަހީދު މިހެން ވިދާޅުވީ، ބަރުލަމާނީ ނިޒާމަކަށް ވެރިކަން ފުރޮޅާލާ، ބޮޑުވަޒީރެއްގެ ގޮތުގައި ގައުމު ހިންގަން ބޭނުންވާކަމަށް ރައްޔިތުންގެ މަޖިލީހުގެ ރައީސް، އަދި ކުރީގެ ރައީސް މުހައްމަދު ނަޝީދު، ރައީސް އިބްރާހިމް މުހައްމަދު ސޯލިހަށް ދެންނެވުމާއި ގުޅިގެން ކުރެއްވި ޓުވީޓެއްގައެވެ.

އެގޮތުން ވެރިކަމުގެ ނިޒާމު ބަދަލު ކުރާނީ ވަކި މީހަކު ވެރިކަމަށް ގެނައުމަށް ނޫން ކަމަށާއި، ނަމަވެސް އެއީ ރައްޔިތުންނަށް އެންމެ ރަނގަޅު ގޮތް ކަމަށް ފެނުމުން ކަމަށް ޑރ. ވަހީދު ވިދާޅުވިއެވެ. 

ރައީސް ސޯލިހަށް ފޮނުއްވި މެސެޖެއްގައި ރައީސް ނަޝީދު ބޮޑުވަޒީރަށް ވުމުގެ ޝައުގުވެރިކަން ފާޅު ކުރެއްވުމުން ސަރުކާރަށާއި، ރައީސް ސޯލިހަށް އަދި ހާއްސަކޮށް ރައީސް ނަޝީދަށް ގިނަ ބައެއްގެ ފާޑު ކިއުންތަކެއް ވަނީ އަމާޒުވެފައެވެ.