އީގަލްސްއާ ބެންގަލޫރު ވާދަކުރަން ޖެހުނީ، ޕްރިމިލިނަރީ ބުރުގައި އީގަލްސްއާ ދެކޮޅަށް ކުޅެން އޮތް ބަންގަލްދޭޝްގެ ޑާކާ އަބަހާނީ މުބާރާތުން ވަކިވުމުންނެވެ. އަބަހާނީ މުބާރާތުން ވަކިވީ، ކޮވިޑާ ހެދި އެ ޓީމަށް ގައުމުން ބޭރަށް ނުދެވި، އަދި އީގަލްސްއަށް އެ ގައުމަށް ދެވޭނެ އެއްވެސް ގޮތެއް ނެތުމުންނެވެ. ބެންގަލޫރާ އީގަލްސް ކުޅޭ މެޗުން މޮޅުވާ ޓީމެއް، އޭއެފްސީ ކަޕުގެ ގްރޫޕް ސްޓޭޖަށް ކޮލިފައިވާނެއެވެ.
ގްރޫޕް ސްޓޭޖުން މިހާރު ފުރުސަތު ހޯދާފައިވަނީ ރާއްޖޭން މާޒިޔާއާ، އިންޑިޔާގެ އޭޓީކޭ މޯހަން ބަގާން އަދި ބަންގްލަދޭޝްގެ ބަޝަންދުރާ ކިންގްސްއެވެ.
އޭއެފްސީ ކަޕުގެ ގްރޫޕް ސްޓޭޖު ފެށޭނީ މި މަހުގެ ސާދަވަނަ ދުވަހުއެވެ. ގްރޫޕް ސްޓޭޖުގައި ކޮންމެ ޓީމެއް ކޮންމެ ޓީމަކާ އެއް މެޗު ކުޅުމަށް ފަހު އެންމެ މޮޅުވާ ޓީމެއްދާނީ ޒޯނަލް ސެމީ ފައިނަލަށެވެ. ރާއްޖޭން މިހާތަނަށް ގްރޫޕް ސްޓޭޖު ފަހަނަ އަޅައި އޭއެފްސީ ކަޕުގައި ކުރިއަށް ދެވިފައިވަނީ ނިއުރޭޑިއަންޓަށް އެކަންޏެވެ. ނިއުއިންވަނީ ދެހާސް ފަސްވަނަ އަހަރު މުބާރާތުގެ ސެމީ ފައިނަލަށް އަދި ދެހާސް ތޭރަވަނަ އަހަރު ކުއާޓަރ ފައިނަލަށް ދަތުރުކޮށްފައެވެ.
