މެޑަމް ފަޒްނާ ވޮލަންޓިއާ މަސައްކަތަށް ޝައުގުވެރިކަން ފާޅުކޮށްފައި ވަނީ މިއަދު ފޭސްބުކްގައި ކުރެއްވި މެސެޖެއްގަ އެވެ.
އެ މެސެޖްގައި ފަޒްނާ ވިދާޅުވެފައި އެކަމަނާއަށް ފުރުސަތު ދެއްވައިފިނަމަ ކޮވިޑްގެ ކަންކަމުގައި އެހީތެރިވުމަށް ތައްޔާރަށް ހުންނެވި ކަމަށެވެ.
އަދި މިދިޔަ އަހަރުގެ ތެރޭގައި މާލެއިން އެންމެ ފުރަތަމަ ބަޔަކު ކޮވިޑް 19 އަށް ޕޮޒިޓިވް ވުމާ ގުޅިގެން ލޮކްޑައުން ކުރި ދުވަސްވަރު ވެސް މެޑަމް ވޮލަންޓިއާކޮށް ބައެއް މަސައްކަތްތަކުގައި އަމަލީގޮތުން އުޅުއްވާފައިވާކަން ވެސް އަކަމަނާ ވަނީ ފާހަގަކުރައްވާފަ އެވެ
މެޑަމް ވިދާޅުވީ ޔުނިސެފާއި، ހެލްތު އެމަޖެންސީ އޮޕަރޭޝަންސް ސެންޓަރާއި، މޯލްޑިވްސް ގާލް ގައިޑް އެސޯސިއޭޝަނާ އެކު މަސައްކަތްކޮށް، އެހީތެރިކަން ބޭނުންވެފައި ތިބި އާއިލާތަކަށް ހާއްސަ ވީޑިއޯ މެސެޖުތައް ތައްޔާރު ކުރެއްވި ކަމަށެވެ.
ފަޒްނާ މިހެން ވިދާޅުވެފައި ވާއިރު އެކަމަނާއަކީ ކޮވިޑް ބަލީގެ ޝިކާރައަކަށްވެ، ފަރުވާ ހޯދާ، އެބަލިން ރަނގަޅުވެ ވަޑައިގަންނަވާފައިވާ ކަނބަލެކެވެ.