މީގެ ކުރިން ކުރީގެ ރައީސް އަބްދުﷲ ޔާމީން އަބްދުލްގައްޔޫމަށް އަމާޒުކޮށް ފިނިފެންމާ ލޯންޗުކޮޅަށް ދިން ހަމަލާގައި އެމްއެންޑީއެފްގެ ބައެއް ފަރާތްތަކުގެ ބައިވެރިވެރިވުން އޮތްކަން ވަނީ ހާމަވެގެން ގޮސްފައެވެ.
މިއަދު ފުލުހުން ބޭއްވި ނޫސްވެރިންގެ ބައްދަލުވުމުގައި އެކަމާ ގުޅިގެން ރޭ ހިނގި ހާދިސާގައި ސިފައިންގެ ބައިވެރިވުން އޮތްތޯ ނޫސްވެރިއަކު ކުރެއްވި ސުވާލަށް ޖަވާބު ދެއްވަމުން ސީޕީ ހަމީދު ވިދާޅުވީ އެ ހަމަލާގައި ސިފައިން ބައިވެރިވާކަން މިހާތަނަށް ތަހުގީގަށް އެނގިފައި ނުވާ ކަމަށެވެ.
ޓެރަރިޒަމް މަނާކުރާ ގާނޫނުގެ ދަށުން ގޮވާ ތަކެތި ނުވަތަ ހަތިޔާރު ހިމެނޭފަދަ ހާދިސާއެއް ނުވަތަ ހަމަލާއެއް ހިނގައިފިނަމަ އެ ނުރައްކާ ނިއުޓްރަލައިޒް ކުރުމަކީ ސިފައިންގެ ދައުރު ކަމަށްވެސް ސީޕީ ހަމީދު ވިދާޅުވިއެވެ.
ހަމަލާއާ ގުޅިގެން ވީހާވެސް ކައިރި ކައިރީގައި މައުލޫމާތު ދެމުން ގެންދާނެ ކަމަށްވެސް ފުލުހުން ވަނީ ބުނެފައެވެ.