ކޮވިޑް 19
މިއަދު މަރުވި މީހުންގެ އަދަދު 3 އަކަށް އަރައިފި
Share
ރާއްޖެއިން މިއަދު އިތުރު މީހަކު ކޮވިޑް-19 ގައި މަރުވެއްޖެއެވެ.
Advertisement

އެޗްއީއޯސީ އިން ބުނީ މިއަދު މަރުވެފައިވަނީ ދަރުމަވަންތަ ހޮސްޕިޓަލުގެ ޑީއެޗް 11 ގައި ފަރުވާދެމުން ދިޔަ 81 އަހަރުގެ ދިވެހި އަންހެނެއް ކަމަށެވެ.

އޭނާ މަރުވެފައި ވަނީ މިއަދު 02:46 ގައި ކަމަށެވެ. މި މަރާ އެކު މިއޫ ރާއްޖެއިން ކޮވިޑް ބަލީގައި މަރުވި 82 ވަނަ މީހާ ކަމަށް ވެސް އެޗްއީއޯސީން ބުނެ އެވެ.

މިއަދު ރާއްޖެއިން ވަނީ ތިން މީހުން ކޮވިޑް 19 ގައި މަރުވެފަ އެވެ. މިއަދު މަރުވެފައިވަނީ ކ.މާފުށީގައި އައިސޮލޭޝަންގައި ހުރި ބަނގުލަދޭޝްގެ ރައްޔިތަކާއި ދަރުމަވަންތަ ހޮސްޕިޓަލުގައި އެޑްމިޓްކޮށްގެން ފަރުވާދެމުންދިޔަ އިންޑިއާގެ ފިރިހެނެކެވެ.

އިއްޔެ އެކަނިވެސް ރާއްޖެއިން ކޮވިޑް ޖެހިގެން ހަ މީހުން މަރުވެފައިވާއިރު، މިއަދު އިތުރު ދެމީހުން މަރުވެފައި މިވަނީ އޭގެ ފަހުން 12 ގަޑިއިރުވެސް ހަމަނުވަނީސް އެވެ.

މިއީ ކޮވިޑު ޖެހިގެން 24 ގަޑިއިރުގެ ތެރޭގައި ރާއްޖޭގައި މީހުން މަރުވި ރިކޯޑު އަދަދެއްކަން ފާހަގަކުރެވެއެވެ.

އިއްޔެވެސް ރާއްޖެއިން ވަނީ 700 އަށްވުރެ ގިނަ މީހުން ކޮވިޑަށް ޕޮޒިޓިވްވެފައެވެ.

0%
ކަމުގޮސްފި
50%
އަޑުއެހިތާ މިހުރީ
50%
ސަތޭކައަކުން ސުމެއް
0%
ވަރަށް ސަލާމް