ނިއުމާ މިހާރު އެކްޓިންގެ ދާއިރާއާ ދުރަށް ގޮސްފައިވާއިރު މިއީ އޭނާގެ ފޭނުންނަށް ހިތާމަވެރި ހަބަރެކެވެ. އެގޮތުން މީޑިއާއަކަށް ދިން އިންޓަވިއުއެއްގައި ނިއުމާ ވެސް ވަނީ ބައެއް ފަހަރު ފިލްމު ކުޅުން މަތިން "މިސްވާ" ކަމަށާއި ފިލްމު ނުކުޅެވޭތީ ދެރަވާ ކަމަށް ބުނެފައެވެ.
ނިއުމާ ބުނީ ފިލްމު ކުޅުން ހުއްޓާލި ނަމަވެސް އަލުން ފިލްމީ ދާއިރާއާ ގުޅުމަށް ބައެއް ސަޕޯޓަރުންގެ ފަރާތުން ރިކުއެސްޓް އަންނަ ކަމަށާއި، ނިއުމާ ފިލްމު ކުޅުން ހުއްޓާލުމުން ދެން ދިވެހި ފިލްމު ނުބަލާނެ ކަމަށްވެސް ބައެއް މީހުން ބުނި ކަމަށެވެ.
ނިއުމާ އެކްޓު ކުރަންފެށީ އޭނާގެ އުމުރުން އެންމެ 17 އަހަރުގައެވެ. ނިއުމާ އެންމެ ފުރަތަމަ "ތަޖުރިބާ" ކިޔާ ޑްރާމާއަކުން ދިވެހިންނަށް ފެނިގެންގޮސްފައިވަނީ 1994 ވަނަ އަހަރުއެވެ. ނިއުމާ އެންމެ ފަހުން ކުޅުނީ އޭނާ އަމިއްލައަށް ޑައިރެކްޓުކޮށްފައިވާ ފިލްމު "ނިވައިރޯޅި" އެވެ. އެއަށްފަހު އޭނާ ފިލްމީ ދާއިރާއާ ދުރަށް ދިޔައީ ދަރިފުޅަށް ވަގުތު ދޭންވެގެން ކަމަށް ނިއުމާ ވަނީ ބުނެފައެވެ. މިހާރު ނިއުމާގެ އުމުރަކީ 43 އަހަރެވެ.