ޝާހުރުކް އަކީ ބޮލީވުޑްގެ މިހާރު އެންމެ އަގުބޮޑު ތަރިންގެ ތެރޭގައި ފާހަގަ ކޮއްލެވޭ ތަރިއެކެވެ. އެކްޓްކުރަން ފެށުމުގެ ކުރިން ޝާހުރްކް އެންމެ ފުރަތަމަ އަދާކުރި ވަޒީފާއަކީ، މަޝްހޫރު ލަވަކިޔުންތެރިޔާ ޕަންކަޖް އުދާސްގެ ކޮންސެޓްގައި މީހުނަށް ސީޓް ދައްކައިދޭން ހުންނަ މީހާގެ ވަޒީފާއެވެ.
އަދި މި ވަޒީފާއިން މުސާރައިގެ ގޮތުގައި ލިބިފައިވަނީ 50 ރުޕީސް އެވެ. މި 50 ރުޕީސް ޝާހުރުކް ހަރަދުކޮއްފައިވަނީ ތާޖް މެހެލް ބަލަން ދާން ޓިކެޓް ގަތުމުގައިކަށް ޝާހުރުކް ވަނީ މީގެ ކުރިން ހާމަކޮއްފައެވެ.
ޝާހުރުކް އެންމެ ފުރަތަމަ ބޮލީވުޑަށް ތާރަފްވެގެން ދިޔައީ 1992 ވަނަ އަހަރު ރިލީޒްކުރި ފިލްމް "ދީވާނާ" އިންނެވެ.
ފިލްމް "ދީވާނާ" ގެ ޕޯސްޓަރު
ފިލްމް "ދީވާނާ" އަށް ފަހު "ބާޒީގަރު"، "ޑަރް" ފަދަ ކާމިޔާބު އެތައް ފިލްމެއް ޝާހުރުކް ވަނީ ކުޅެފައެވެ. ފިލްމީ ދާއިރާގައި 29 އަހަރު ޝާހުރުކް ހޭދަކޮއްފައިވާއިރު، މިހާރުވެސް ބޮލީވުޑްގެ އެންމެ އަގުބޮޑު އެކްޓަރަކީ ޝާހުރުކް އެވެ.
ޝާހުރުކް މިހާރު ކުރަމުން ދަނީ ފިލްމް "ޕަޓާން"ގެ މަސައްކަތެވެ. "ޕަޓާން" ގެ ޝޫޓިންގެ ބޮޑުބައެއް މިހާރުވަނީ ނިމިފައެވެ.
