ވިޔަފާރި /
ކުޅުދުއްފުށި ރީޖަނަލް ހޮސްޕިޓަލް މަރާމާތު ކުރުމުގެ 60އިންސައްތަ ނިމިއްޖެ
ސީއެންއެމް ނިއުސް ޓީމް
30 ޖޫން 2021 - 11:18:47
ހދ. ކުޅުދުއްފުށި ރީޖަނަލް ހޮސްޕިޓަލް މަރާމާތު ކުރުމުގެ މަޝްރޫޢުގެ މަސައްކަތުގެ 60 ޕަސެންޓް ނިމިއްޖެ ކަމަށް އެމްޓީސީސީން ބުނެފިއެވެ.
މި މަޝްރޫޢުގެ ދަށުން، މިހާރު ކުރިއަށްދަނީ ވާރޑް އިމާރާތުގެ ސީލިންގު މަސައްކަތްތައް ކަމަށްވެސް އެކުންފުނިން އިތުރަށް ބުނެފައިވެއެވެ.
މި މަޝްރޫޢުގެ ދަށުން ލެބޯރެޓަރީ އަކާއި ވާރޑް އިމާތާތެއް އެޅުމުގެ އިތުރުން އޯޕީޑީ ސަރަޙައްދު މަރާމާތު ކުރުމުގެ މަސައްކަތް ހިމެނެއެވެ. މިނިސްޓްރީ އޮފް ހެލްތުގެ ފަރާތުން އެމްޓީސީސީ އާއި ހަވާލުކޮށްގެން ކުރިއަށްގެންދާ މި މަޝްރޫޢުގެ އަގަކީ 30.3 މިލިއަން ރުފިޔާއެވެ.
ކުޅުދުއްފުށީ ރީޖަނަލް ހޮސްޕިޓަލް އަކީ ބޮޑު ތިލަދުންމަތީގެ ގިނަބަޔަކު ސިއްހީ ފަރުވާ ހޯދުމަށް ޓަކައި ހިދުމަތް ހޯދަމުންދާ ހޮސްޕިޓަލެއް ކަމުން ސަރުކާރުން އެ ހޮސްޕިޓަލް ޓާޝިއަރީ ފެންވަރަށް ތަރައްގީ ކުރަށްވާނެކަމަށް ވައުދު ވެވަޑައިގަނެފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް