ޖެބެލް ޕޯޓުގައި މިހާދިސާ ހިންގާފައިވަނީ ދުބާއީ ގަޑިން ރޭ 11:45 ހާއިރުއެވެ. އަދި އޭގެ ދެ ގަޑިއިރެއްހާ ވަގުތު ފަހުން އަލިފާންގަނޑު ކޮންޓްރޯލް ކުރެވިފައިވާކަމަށް ދުބާއީގެ ކަމާބެހޭ އިދާރާތަކުން ބުންޏެވެ.
މި ބާރުގަދަ ގޮވުމާއެކު ބޮޑު އަލިފާންގުޅައެއްވެސް އުފެދުނެވެ. މި ގޮވުމުގެ އަޑު ގާތްގަނޑަކަށް 25 ކިލޯމީޓަރު ދުރަށް އިވުނު ކަމަށާއި އޭގެ ސަބަބުން ގިނަ އިމާރާތްތަކަށް ލޮޅުން އެރިކަމަށް ބައެއް ދުބާއީގެ ނޫސްތަކުން ރިޕޯޓްކުރެެވެ.
މިހާދިސާ ހިނގިކަމުގައި ވީނަމަވެސް މި ޕޯޓުގެ އޮޕަރޭޝަންތަކަށް ބުރުލެއް ނާންނާނެހެން ކަންކަން ކުރުމަށް ދަނީ މަސައްކަތް ކުރަމުންނެވެ.
ދުބާއީގެ ޖެބެލް އަލީ ޕޯޓަކީ ދުނިޔޭގެ އެންމެ ބޮޑު ކަނޑުގެ ބަނދަރެވެ. އަދި ނުވަވަނައަށް ދުނިޔޭގެ އެންމެ ބިޒީ ބަނދަރެވެ. އަދި މި ޕޯޓަކީ މެދުއިރުމަތީގެ ސަރަހައްދުގެ އިތުރުން ދުބާއީގައިވެސް އޮތް އެންމެ ބާރުބޮޑު އެއް ޕޯޓެވެ. އަދި މިއީ ދުނިޔޭގެ ވިޔަފާރިއާ ގުޅިފައިވާ މުހިންމު ބަނދަރެކެވެ. އެ ބަނދަރު ހިންގަނީ ޑީޕީ ވޯލްޑުންނެވެ.