ހައި ކޮމިޝަނުން ނެރުނު ބަޔާނެއްގައި ބުނީ މިސްކޮލަޝިޕްތަކަށް ކުރިމަތިލި ދަރިވަރުންގެ އެޕްލިކޭޝަންތައް ޕްރޮސެސް ކުރުމުގެ މަސައްކަތް މިހާރު ކުރަމުން އަންނަ ކަމަށެވެ.
މި ސްކޮލަޝިޕްގެ ފުރުސަތު ކޮންމެ އަހަރަކު 39 ދިވެހި ދަރިވަރަކަށް ލިބެއެވެ. މިފަހަރުގެ ފުރުސަތުގައި އަލަށް ކިޔެވުން ފަށާ ދިވެހި ދެ ދަރިވަރެއް ކަމަށްވާ އަބޫބަކުރު ލުތުފީ އާއި އަލާއު އަދުނާނާ، ރާއްޖޭގައި ހުންނަވާ އިންޑިއާ ހައި ކޮމިޝަނަރު ސަންދޭ ސުދީރް ވަނީ ބައްދަލުކުރައްވައި ސްކޮލަޝިޕް ހަވާލުކުރައްވައިފަ އެވެ.
މި ސްކޮލަޝިޕްގެ ކަންކަން ބަލަހައްޓައި، އިންތިޒާމުތައް ހަމަޖައްސައިދެނީ މާލޭގައި ހުންނަ އިންޑިއަން ކަލްޗަރަލް ސެންޓަރުންނެވެ. އެ ސެންޓަރުން މި މަސައްކަތް ކުރީ ހަޔަ އެޑިއުކޭޝަން މިނިސްޓްރީއާ ވެސް ގުޅިގެންނެވެ.
މި ފުރުސަތުގެ ދަށުން، އިންޑިއާގެ މަޝްހޫރު ޔުނިވާސިޓީތަކުން އަންޑަ ގްރެޖުއޭޓް، ޕޯސްޓް ގްރެޖުއޭޓް، މާސްޓާސް އޮފް ފިލޯސޮފީ އަދި ޕީއެޗްޑީ ކޯސްތަކަށް ކުރިމަތިލާން ވަނީ ހުޅުވާލައިފައެވެ.
މިދިޔަ އަހަރު ވެސް މި ސްކޮލަޝިޕްގެ ދަށުން ބައެއް ދަރިވަރުން ކިޔަވަން ފޮނުވާފައިވެއެވެ.
