އަރްބާޒް ހާންގެ ޓީވީޝޯގައި ކުރިއަށްގެންދިޔަ ސެގްމެންޓެއްގައި ސަލްމާން އާއި އަރްބާޒް ވަނީ މީޑިއާގައި ދެމީހުންނަށް އަމާޒުވާ ސުވާލުތައް ކިޔާފައެވެ.

މިގޮތަށް ސުވާލުތަކާއި ކޮމެންޓުތައް ކިޔަމުން ދިޔަ ވަގުތުގައި ސަލްމާނަށް އަމާޒުވި ކޮމެންޓެއްގައި ސަލްމާނުގެ އަނތްބެއް ވާކަމަށް މީހަކު ދައުވާކޮށްފައިވެއެވެ.

އަދި ސަލްމާނުގެ އަނތްބަށް ކިޔަނީ "ނޫރް" ކަމަށާއި، ސަލްމާނު އާއި ނޫރުއަށް 17 އަހަރުގެ އަންހެން ދަރިއަކު ލިބިފައިވާކަމަށް އޭނާގެ ކޮމެންޓުގައި ވެއެވެ.

ސަލްމާނަށް އަމާޒުވެފައިވާ މި ކޮމެންޓު ފެނިފައި އޭނާވެސް ހައިރާންވެފައިވާ މަންޒަރު ޝޯގައި ފެނިގެން ދެއެވެ. އަދި "ތިއީ ކާކަށް އައި ކޮމެންޓެއްހޭ" އެހި އެވެ. އަދި އެއީ ދޮގެއް ކަމަށް ބުނެ އިންކާރު ކުރިއެވެ.

ސަލްމާން އުޅޭ ތަނާއި އޭނާ އެއްވެސް ކަމެއް ސިއްރު ނުރުރާކަމަށް ސަލްމާނު ބުންޏެވެ. އަދި އޭނާ އުޅޭ ތަނާއި އޭނާގެ އަނތްބެއް ހުރި ދުވަހަކުން ސިއްރު ނުކޮށް ފާޅުގައި އުޅޭނެކަމަށާއި، ސިއްރު ކުރަން އެއްވެސް ސަބަބެއް ނުވާކަމަށް ސަލްމާނު ބުނެފައިވެއެވެ.