މަހުލޫފް ކުރެއްވި ޓުވީޓުގައި ވިދާޅުވީ ސަރުކާރުންވެސް އަދި ރައީސް އިބްރާހިމް މުހައްމަދު ސޯލިހުވެސް މި ހަމަލާގެ ތަހުގީގު ވަރަށް ސީރިއަސް މައްސަލައެއް ކަމުގައި ބަލާ އެކަން އެންމެ ފުރިހަމައަށް ތަހުގީގުކޮށްފައިވާކަމަށް އޭނާ ދެކޭކަމަށެވެ.
އަނިޔާވެރި ހަރުކަށި ފިކުރު ނައްތާލަންޖެހޭކަމަށާއި މިކަން ކުރަންވާނީ ސިޔާސީ ޕާޓީ ތަކާއި ދީނީ އިލްމުވެރިންނާއި ރައްޔިތުންގެ ބައިވެރިވުމާއެކު ގައި ކަމަށް އޭނާ ގެ ޓުވީޓުގައި ފާހަގަ ކޮށްފައިވެއެވެ.
މި ހަމަލާ އާއި ގުޅިގެން މިމަހުގެ 24 ވަނަ ދުވަހުގެ ރޭ ޕޮލިހުންވަނީ ނޫސްވެރިންގެ ބައްދަލު ވުމެއް ބާއްވާފައެވެ. އެ ބައްދަލުވުގައި ފުލުހުން ބުނީ ރައީސް ނަޝީދަށް ދިން ހަމަލާއާއި ގުޅިގެން ދައުވާކުރުމަށް ހަތަރު މީހަކު ފޮނުވާފައިވާއިރު، ހަމަލާގެ ތުހުމަތު ކުރެވިގެން ތަހުގީގުތައް ހިންގަމުންދާ ޖުމްލަ 10 މީހަކު ހައްޔަރުކޮށް ތަހުގީގު ކުރަމުންދާކަމަށެވެ.