އަންގާރަ ދުވަހު ބާރްތީ ފެނިގެން ގޮސްފައިވަނީ ދީޕިކާގެ އޯމް ޝާންތި އޯމް ގެ ޝާންދީ ޕްރިއާ ގެ ކެރެކްޓާގައި ދީޕިކާ ފެނިގެންގޮސްފައިވާ ހެދުމެއްގައެވެ.
ދީޕިކާ އަދި ޝާހުރުކް އެކުގައި ފެނިގެންދާ ފިލްމް "އޯމް ޝާންތި އޯމް" ގެ ލަވައެއް ކަމަށްވާ "އާކޯންމެ ތެރީ" ލަވައިން ދީޕިކާ ލައިގެން ހުންނަ ގަދަ ފިޔާތޮށި ކުލައިގެ ލެހެންގާ އާއި އެއްގޮތް ހެދުމެއްގައި ބާރްތީ ފެނިގެން ދިޔަ އިރު ބާރްތީގެ ފިރިމީހާ ހަރްޝް ފެނިގެން ދިޔައީ އެ ލަވައިގެ ޝާހުރުކްގެ ކޮސްޓިއުމުގައެވެ.
ޕަޕަރާޒީންގެ ކެމެރާތަކަށް ބާރްތީ އެރުމުން ބާރްތީ ވަނީ ދީޕިކާ އެ ލަވައިގައި އޭނާގެ ފޭނުންނަށް ވޭވް ކުރަމުން ދާ ގޮތަށް ވޭވް ކޮށް އެ ވީޑިއޯ ސްލޯ މޯޝަންގައި ނެގުމަށް އެދިފައެވެ. އަދި މީގެ އިތުރުން ވީޑިއޯގައި ފެނިގެން ދަނީ ބާރްތީ "އާކޯންމެ ތެރީ" މިލަވަވެސް ކިޔަމުން ދާ މަންޒަރެވެ.
ބާރްތީ އާއި ހަރްޝް ރެޑީވަމުން ދިޔައީ ޑާންސް ދީވާނާ 3 ގެ ޝޫޓިންއަށް ކަމަށް ބެލެވެއެވެ.