މިއޮތީ ގޭތެރޭގައި ކުޑަ ވަގުތުކޮޅަކުން ފަސޭހަ ކަމާއެކު ތައްޔާރުކޮށްލެވިދާނެ ފޭޝަލް އެކެވެ.
ބޭނުންވާ ތަކެތި:
1 މޭޒުމަތީ ސަމްސާ ރީނދޫ
1 މޭޒުމަތީ ސަމްސާ މާމުއި
1 މޭޒުމަތީ ސަމްސާ ޕްލެއިން ޔޯގަޓް
1 މޭޒުމަތީ ސަމްސާ ހިކި ކިރު
ތައްޔާރު ކުރާނެ ގޮތް:
ކުޑަ ތައްޓަކަށް ރީނދޫކޮޅާ، ހިކި ކިރުކޮޅު މިކްސް ކޮށްލުމަށް ފަހު ޔޯގަޓް އަދި މާމުއި ކޮޅުވެސް އެކައްޗެއްގައި ރަނގަޅަށް މިކުސް ކޮއްލާށެވެ. މިހާރު މިހުރީ މި ޕޭސްޓް ތައްޔާރުކުރެވިފައެވެ. މިއީ ބަދިގެ ތެރޭގައި އާމުކޮށް ބޭނުންކުރާ ތަކެތިން ތައްޔާރުކޮށްލެވިދާނެ ވަރަށް ފަސޭހަ ކްރީމް ޕޭސްޓެކެވެ.
ބޭނުންކުރާނެ ގޮތް:
މޫނު ރީތިކޮށް ފުރަތަމަ ފެނުން ދޮވެލާށެވެ. ދެން އެޔަށްފަހު ތުވާލިން ނުވަތަ ޓިޝޫއަކުން މޫނު ފޮހެލުމަށް ފަހު މި ތައްޔާރު ކުރި ޕޭސްޓް މޫނުގެ ހަންގަނޑު ރަނގަޅަށް ފޮރުވޭގޮތަށް އުނގުޅާށެވެ. މޫނުގައި މި ޕޭސްޓް އުނގުޅާއިރު ލޮލުގެ ވަސައިގެންނާއި ތުންފަތުގައި ނޫގުޅާށެވެ.
މޫނުގައި މި ޕޭސްޓް އުނގުޅުމަށް ފަހު 10 ވަރަކަށް މިނެޓް މަޑުކޮށްލާށެވެ. 10 ވަރަކަށް މިނިޓް ތެރޭގައި މޫނުގައި އުނގުޅި ކްރީމް ހުންނާނީ އެއްކޮށް ހިކިފައެވެ. ކްރީމް ހިކުމުން މޫނު ހުސް ފެންކޮޅަކުން ދޮވެލާށެވެ. އޭރުން ހުންނާނީ ސެލޫނަކަށް ގޮސްގެން ވެސް ހަދާ ކަހަކަ ފޭޝަލް އެއް ހެދިފަ އެވެ. އޭރުން ވެސް މޫނުގެ ނަލަކަން ހުންނާނީ ފުރިހަމަވެފަ އެވެ.