އޮސްޓްރޭލިއާގެ އެކި ސަރަހައްދުތަކުގައި ރޯވެ، އަނދަމުން ދާތީ ފޮރިން މިނިސްޓަރު އަބްދުﷲ ޝާހިދު ހަމްދަރުދީ ފާޅުކުރައްވައިފި އެވެ.

މިނިސްޓަރު ކުރެއްވި ޓުވީޓެއްގައި ވިދާޅުވީ އޮސްޓްރޭލިއާގެ އެކި ސަރަހައްދުތަކުގައި ރޯވެ، އަނދަމުން ދާތީ އެކަމާ އިންތިހާއަށް ހިތާމަ ކުރައްވާ ކަމަށެވެ.

އޭގެ އިތުރުން އޮސްޓްރޭލިއާއަށް ކުރިމަތިވެފައިވާ ގައުމީ ކުއްލި ހާލަތުގައި، އެގައުމުގެ ރައްޔިތުންނާއެކު ދިވެހިން ތިބި ކަމަށާއި، އަވަސް ގޮތަކުން އެކަމުން އަރައިގަނެވޭނެ ކަމަށް އުއްމީދު ކުރައްވާ ކަމަށް މިނިސްޓަރު ކުރެއްވި ޓްވީޓުގައި ވަނީ ވިދާޅުވެފަ އެވެ.

Deeply saddened by the news of the devastating bushfires #AustralianWildFires raging across Australia. At this hour of tragedy and national emergency, we stand in solidarity with our Australian friends and pray for a swift rescue and recovery process. @MarisePayne @AusHCSriLanka

— Abdulla Shahid (@abdulla_shahid) January 6, 2020

އޮސްޓްރޭލިއާގެ އެކި ސަރަހައްދުތަކުގައި އަލިފާން ރޯވެފައި ވަނީ މި ދުވަސްވަރަކީ އޮސްޓްރޭލިޔާ އަށް ހޫނު މޫސުން ކަމަށް ވާއިރު ދުނިޔެ މަތި ހޫނުވުމުގެ ސަބަބުންނެވެ.

މިދިޔަ އަހަރުގެ ސެޕްޓެމްބަރުން ފެށިގެން ހުއްޓުމެއް ނެތި އަނދަމުންދާ އަލިފާންގަނޑުގައި އެތައް ބަޔަކު ވަނީ ގެދޮރު ދޫކޮށް ދާން ޖެހިފަ އެވެ. އަލިފާނުގައި މިހާތަނަށް ވަނީ 24 މީހުން މަރުވެފަ އެވެ. އެނދި ގެދޮރުގެ އަދަދު 2،000 އަށް ވުރެ މައްޗަށް އަރަ އެވެ.

މިހާތަނަށް 500 މިލިއަން ޖަނަވާރުންނަށް އަލިފާނުގެ އަސަރުކޮށް މަރުވެފައިވާ ކަމަށް ރިޕޯޓުތައް ބުނެ އެވެ.