ފޮނަދޫ ކައުންސިލުން ވަނީ ރަށުގެ މޮނިޓަރިން ހާލަތު އުވާލިކަން ކަށަވަރު ކޮށްދެއްވާފައެވެ. 

ފޮނަދޫ މޮނިޓަރިންގެ ހާލަތައް ގެނައީ މިމަހުގެ 3 ވަނަ ދުވަހު އެވެ. އެ ރަށް މޮނިޓަރިންއަށް ލީ މާލެއިން ފޮނަދޫއަށް ދަތުރު ކުރި ބަޔަކު ކޮވިޑް19 އަށް ޕޮޒިޓިވްވުމާއި ގުޅިގެންނެވެ. 

ފޮނަދޫގައި މިވަގުތު ކޮވިޑް19 ބަލީގެ އެކްޓިވް ކޭސްއެއް ނެތެވެ. 

ފޮނަދޫގެ މޮނިޓަރިންގެ ހާލަތު އުވާލުމާއިއެކު މިހާރު މޮނިޓަރިންގައި އޮތީ 8 ރަށެކެވެ. އެއީ ރ. ދުވާފަރު، ކ. ކާށިދޫ، މ. ކޮޅުފުށި، ށ. ފީވަށް، ހއ. ތަކަންދޫ، ދ. ކުޑަހުވަދޫ، އއ. ހިމަންދޫ އަދި ތ. ހިރިލަންދޫއެވެ.