އެލްޖޭ މިވަނީ އެގޮތަށް އެވާހަކަތައް ދައްކަނީ ކީއްވެކަން ސާފުކޮށްދީފައެވެ. ޓިކްޓޮކްތަރި ޝިފާ އާއިއެކު އެލްޖޭ ބައިވެރިވި ޕްރޮގްރާމެއްގައި ޝިފާ ވަނީ އެލްޖޭއާއި އިސްމާއިލް ވަޖީހްއާއި ވަރަށް ވައްތަރު ކަމަށް ކޮމެންޓް ސެކްޝަނުގައި ވަަރަށް ގިނަ މީހުން ބުނާކަން ފާހަގަކޮށް ދެމީހުންގެ އާއިލީ ގުޅުމެއް އޮންނަނީތޯ ސުވާލުކޮށްފައެވެ.
އެ ސުވާލަށް ޖަވާބުދެމުން އެލްޖޭ ބުނީ، އިސްމާއިލް ވަޖީހް އާއި ވައްތަރީ އޭނާގެ ތުނބުޅިއާއި، މިހާރު އެލްޖޭ ގެންގުޅޭ ސްޓައިލް ކަމަށެވެ. އިސްމާއިލް ވަޖީހް އަކީ ރާއްޖޭގައި އުފެދުނު ވަރަށް ސްޓައިލިސްޓު ސެލެބްރިޓީއެއް ކަމަށާއި، އޭނާއާއި އެލްޖޭ އަކީ ސްޓައިލިސްޓު ސެލެބްރިޓީން ވީމަ މަޝްހޫރު ވަނީ ކަމަށް އެލްޖޭ ބުނެއެވެ.
ދެމީހުންނަކީ ވަރަށް ދުވަސްވީ ރަށްޓެހިކަން ފާހަގަކުރަމުން އެލްޖޭ ބުނީ އިސްމާއިލް ވަޖީހް އަކީ އެލްޖޭގެ ވަރަށް ބޮޑު ފޭނެއް ކަމަށް އިސްމާއިލް ވަޖީހް އަމިއްލައަށް ވެސް ބުނާކަމަށް އެލްޖޭ ބުނެއެވެ.
އެލްޖޭ ބުނީ އިސްމާއިލް ވަޖީހް އަކީ ވަރަށް ބޮޑަށް ފިޓްނެސްއަށް ލޯބިކުރާ ވަރަށް ސްޓައިލިޝް ސެލެބްރިޓީއެއް ކަމަށެވެ. އިސްމާއިލް ވަޖީހްގެ ފޮޓޯއާއި، އެލްޖޭގެ ފޮޓޯ ސޯޝަލް މީޑިއާ ޕްލެޓްފޯމްތަކުގައި ވެސް ވަރަށް ގިނައިން އިސްމާއިލް ވަޖީހް ހިއްސާކޮށްފަ ހުންނަ ކަމަށާއި ދެމީހުން ވައްތަރު ވަނީ އެހެންވެ ކަމަށް އެލްޖޭ ބުނެފައިވެއެވެ.
އެލްޖޭ ބުނީ އިސްމާއިލް ވަޖީހާއި ވައްތަރޭ ބުނާތީ ވަަރަށް އުފާވާ ކަމަށެވެ. އެލްޖޭ އަކީ ބޮޑު ފޭން ބޭސް އެއް އޮންނަ ސެލެބްރިޓީއެކެވެ. ފިޓްނެސްގެ ދާއިރާއިން އެލްޖޭ ފެނުނުނަމަވެސް މިފަހުން މަޝްހޫރު ލަވަތަކާއި، ފިލުމުތަކުންވެސް އޭނާ ވަނީ ފެނިގެން ގޮސްފައެވެ.
