އޭޝިއަން ކަޕް ކޮލިފައިންގައި ރާއްޖެ ހިމެނޭ ގްރޫޕުގެ މެޗުތައް އޮންނާނީ މި މަހުގެ ތޭވީހުން އޮނަތިރީހަށެވެ. ރާއްޖެ ހިމެނޭ ގްރޫޕުގައި ހިމެނެނީ ރާއްޖޭގެ އިތުރުން ވިއެޓްނާމާ ތަޖަކިސްތާނެވެ. މި ގްރޫޕުގައި އަފްޣާނިސްތާނުވެސް ކުރިން ހިމެނުނެވެ. އެހެންނަމަވެސް އަފްޣާނިސްތާނުވަނީ ފަހުން މުބާރާތުން ވަކިވެވެފައެވެ.

ދިވެހި ޓީމު ކުޅެން ޖެހޭ ފުރަތަމަ މެޗުގައި މި މަހުގެ އަންނަ ބުރާސްފަތި ދުވަހު ނުކުންނާނީ ވިއެޓްނާމާ ދެކޮޅަށެވެ. އޭނގެ ފަހުން އަންނަ ހަފުތާގެ އާދިއްތަ ދުވަހު ތަޖަކިސްތާނާ ކުޅޭނެއެވެ. ކޮލިފައިންގައި ކުޅެން ޖެހެނީ މި ދެމެޗެވެ. މި ދެ މެޗަށް ތާއްޔާރުވުމުގެ ގޮތުން ދިވެހި ޓީމުންވަނީ ދުބާއީގައި ފަރިތަކުރުންތައް ކުރިއަށް ގެންގޮސްފައެވެ.