ޖިންސީ ގޯނާގެ އެތައް ތުހުމަތުތަކެއް ކޮށްފައިވަނިކޮށް ބޭސްފަރުވާއަށް ކަމަށް ބުނެ ރާއްޖެއިން ބޭރަށް ވަޑައިގެން ފިއްލަވާ ހުންނަވައިގެން މިހާރު ކުރިޔަށް ގެންދާ ނޫސްވެރިންގެ ބައްދަލުވުމުގައި އަލީ ވަހީދު ވިދާޅުވީ، ރައީސް ޔާމީންގެ ވެރިކަމުގައި ރާއްޖެއިން ބޭރަށް ވަޑައިގަތުމަށްފަހު އެބުރި ރާއްޖެއައީ 2018 ވަނަ އަހަރު އެމްޑީޕީގެ ވެރިކަމެއް ގެނެއުމަށްފަހު އަލީ ވަހީދަށް ޑިފެންސް މިނިސްޓަރުކަން ދެއްވާނެ ކަމަށް ރައީސް ސޯލިހް ވިދާޅުވުމުން ކަމަށެވެ.
ނަމަވެސް އޭނާއަަށް މިސަރުކާރުން ހަވާލުކުރީ ޓްއަރިސަމް މިނިސްޓްރީއެވެ. އަލީ ވަހީދު ވިދާޅުވީ، އޭނާއަށް ޓްއަރިޒަމް މިނިސްޓަރުގެ މަޤާމު ލިބޭކަން އެނގުނީ ނޮވެމްބަރު 17 ވަނަ ދުވަހުގެ 15:30 ކަންހާއިރު ކަމަށެވެ.
ސަރުކާރު އޮރިޔާންވާފަދަ ވާހަކަތަކެއް ހާމަ ކުރާނެ ކަމަށް މީގެ ކުރިން ވިދާޅުވެ ނޫސްވެރިންގެ ބައްދަލުވުމެއް ބާއްވަން އުޅެނިކޮށް ޔޫކޭއިން ހައްޔަރުކުރުމުން އެފަހަރު އެވާހަކަތައް އޮތީ ނުދެއްކިއެވެ.
އަނެއްކާ މިރޭ 09:00 ޖަހާއިރު ނޫސްވެރިންނާއި ބައްދަލުކުރާނެ ކަން އިއުލާންކުރުމަށްފަހު އެ ނޫސްވެރިންގެ ބައްދަލުުވުން މިހާރު ދަނީ ބާއްވަމުންނެވެ. މިރޭގެ ނިއުސް ކޮންފަރެންސްގައި އަލީ ވަހީދު ފްރޭމްކޮށް އަޒުލުކުރި ގޮތާއި، ރައީސް ޔާމީން ޖަލަށްލާން ނިންމި ނިންމުމާއި، ޕީޖީއާ އެމްއެމްޕީއާރުސީ ގެ ހިޔާނާތާއި އޮތް ގުޅުމާއި އުތުރު ތިލަފަޅު ހިމެނޭ ވާހަކަތައް ހާމަކުރާނެ ކަމަށް ވަނީ ވިދާޅުވެފައެވެ.