ރައީސް މިހެން، ވިދާޅުވީ ދަނޑުވެރިންގެ ދުވަހާއި ދުނިޔޭގެ ކާބޯތަކެތީގެ ދުވަސް ފާހަގަ ކުރުމުގެ ގޮތުން ތ. ކަނޑޫދޫގައި ރޭ ބޭއްވި ޖަލްސާގައޮ ވާހަކަފުޅު ދައްކަވަމުންނެވެ.
ރޭގެ ޖަލްސާގައި ވާހަކަފުޅު ދައްކަވަމުން ރައީސް އިތުރަށް ވިދާޅުވީ، މިހާރު ރާއްޖޭގައި ދަނޑުވެރިކަން ހިއްސާކުރަނީ ޖީޑީޕީގެ އެންމެ 1.7 އިންސައްތަ ކަަމަށާއި ނަަމަވެސް ދަނޑުވެރިކަން މިއަށްވުރެ ބޮޑަށް ފުޅާކުރުން ޖެހޭނެ ކަމަށެވެ. އަދި އެކަން ކުރެވިދާނެ ވެސް ކަަމަށާއި މިހާރުވެސް ދަނޑުވެރިން ހައްދާ ބާވަތްތަަކަށް ރިސޯޓްތަކުން ވަރަށް ބޮޑު ޑިމާންޑެއް އޮންނަ ކަަމަށެވެެ.
ރިސޯޓްތަކުން ބޭނުންވަނީ މެދުކެނޑުމެއް ނެތި ދަނޑުވެރިން ހައްދާ ބާވަތްތައް ލިބޭނެކަމުގެ ޔަގީންކަން ކަމަށާއި ހަމަ އެފަދައިން އެ ބާވަތްތައް ވިއްކައި ހަަމަ އަގު ލިބޭނެ ކަމުގެ ޔަގީންކަން ދަނޑުވެރިންނަށް ބޭނުންވާކަމަަށް ރައީސް ސޯލިހު ވިދާޅުވި އެވެ. އަދި އެކަަމަށްޓަކައި ވަކި އިންތިޒާމްތަކެއް ހަމަޖައްސައިދެމުންދާ ކަމަށެވެ.
މީގެ އިތުރުން ރައީސް ވިދާޅުވީ، ރާއްޖޭގައި ދަނޑުވެރިކަން ކުރާއިރު، ބޭނުންކުރާ ބައެއް ކެމިކަލްތަކުގެ ސަބަބުން، އެކިކަހަލަ ބަލި ފެތުރެމުންދާ ކަމަށާއި، އެކަމާއި ގުޅޭގޮތުން، މޯލްޑިވްސް ޔުނިވާރސިޓީ އާއި ގުޅިގެން ދިރާސާއެއް ހެދުމުގެ މަސައްކަތް އެބަ ކުރިއަށްދާ ކަމަށެވެ.
ރައީސް އިބްރާހިމް މުހައްމަދު ސޯލިހު، ތ.ކަނޑޫދޫއަށް ކުރެއްވި ދަތުރުފުޅުގައި ވަނީ، ދަނޑުވެރިކަމަށް ހާއްސަކޮށްގެން އެގްރޯނެޓުން ތައްޔާރުކޮށްފައިވާ " ދަނޑުވެރިޔާ " އަތްމަތީ ފޮތްވެސް އިފްތިތާހު ކޮށްދެއްވާފައެވެ.