ފެނަކަ ކޯޕަރޭޝަނުން ކަރަންޓްގެ ހިދުމަތް ދެމުންގެންދާ ރަށްތަކުގެ ތެރެއިން ގއ،ގދ އަދި އައްޑޫ ސިޓީގައި އޮކްޓޯބަރު މަހު ބިލް ތައްޔާރުކުރުމަށް ރީޑިން ނަގާވަގުތު ކަރަންޓްބިލް ވަގުތުން އަތަށް ދޭނެއެވެ.
" ސީއެންއެމްއަށް " މައުލޫމާތު ދެއްވަމުން ފެނަކަ ސޭލްސް އެން ބިލިން ޑިޕާޓްމަންޓްގެ ހެޑް އަހުމަދު އަލީ ވިދާޅުވީ މިއީ ވަރަށް މުހިންމު އަދި އެހާމެ ބޭނުންތެރި ހިދުމަތެއް ކަމުގައެވެ.
" ކަސްޓަމަރުންގެ ޝަކުވާ ދެން ނާންނާނެ. ގޭގެ ވެރިފަރާތުގެ ހާޒިރުގައި މީޓަރުގެ ރީޑިން ނަގާފަ ވަގުތުން ޕްރިންޓް ކޮށްފަ މިދެނީ " އަހުމަދު ވިދާޅުވި އެވެ.
އިތުރަށް ވާހަކަ ދައްކަމުން އަހުމަދު ވިދާޅުވީ ކުރިއަށް އޮތް ތަނުގައި ރާއްޖޭގެ ހުރިހާ ހިސާބެއްގައި މި ނިޒާމް ގާއިމް ކުރެވިގެން ދާނެ ކަމަށާއި މިއީ ކަސްޓަމަރުންނަށް މި ހިދުމަތުގެ ޔަގީންކަން ބޮޑުވެގެންދާނޭ ކަމެއް ކަމުގަ އެވެ.
" މިހާރު ބިލް ހަވާލުކުރުމުގައި އެއްވެސް ޑިލޭ އެއް ނާންނާނެ. ކުރިން ރީޑިން ނަގައި ސިސްޓަމްއަށް އެންޓާ ކޮށް ބިލް ޑެލިވަރީކުރަން އެއް ދުވަސް ނޫނީ ދެ ދުވަސް ނަގާފާނެ. އެހެން ނަމަވެސް މިހިދުމަތް ފެށުމާއިއެކު ދެ މިނެޓް ތެރޭ ބިލް ކަސްޓަމަރާއި ހަވާލުކުރެވޭނެ" އަހުމަދު ވިދާޅުވިއެވެ.