ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީން މިއަދު ބޭއްވި ބައްދަލުވުމުގައި މެމްބަރަކު ކުރެއްވި ސުވާލަކަށް ޖަވާބު ދެއްވަމުން އޭސީސީގެ ރައީސް މަރިޔަމް ޝިއުނާ ވިދާޅުވީ، އެމްއެމްޕީއާރުސީގެ މައްސަލައިގެ ތަހުގީގު ލަސްކަން ގަބޫލުކުރައްވާ ކަމަށެވެ.
މައްސަލައިގެ ތަހުގީގު ލަސް ވަނީ، މުވައްޒިފުންނާއި ވަސީލަތްތައް ލިބުމަށް ދަތިވުމުންނާއި ކޮވިޑް-19ގެ ސަބަބުން ކަމަށެވެ.
އަދި ހުރިހާ މައްސަލަތަކެއްގެ ތެރެއިން ކޮންމެ މައްސަލައަކަށް އެވްރެޖްކޮށް އަށް މަސްދުވަސް ހޭދަވާ ކަމަށެވެ. އަދި މައްސަލަ އަވަސްކުރަން މުވައްޒިފުންނާއި ބަޖެޓް ބޭނުންވާކަމަށް ޝައުނާ ވިދާޅުވިއެވެ. އެހެންކަމުން ބާކީ ނުނިމި ހުރި 223 މައްސަލަ ބެލުމަށް ހަތަރު އަހަރާއި ނުވަ މަސް ހޭދަވާނެއެވެ.
" ދައުލަތުން އެމްއެމްޕީއާރުސީގެ މައްސަލަ ރަނގަޅު ސްޕީޑެއްގައި ނިންމަން ބޭނުންވާ ނަމަ، އެކަށީގެންވާ މިންވަރަށް މުވައްޒަފުން ބޭނުންވޭ. ބަޖެޓް ނުލިބޭ ނަމަ ތަކުރާރުކޮށް އެއް ވާހަކައެއް ދައްކަން ޖެހޭނީ، މި މައްސަލައެއް ނުނިމޭނެ. " އިއްޔެ ބޭއްވުނު ކޮމެޓީ ބައްދަލުވުމުގައި ޝިއުނާ ވިދާޅުވިއެވެ.