މަނީލާގައި ހުންނަ ތާލް އަލިފާން ފަރުބަދަ ގޮވާފައި މިދިޔަ އާދިއްތަ ދުވަހުގެ މެންދުރުފަހެވެ. އޭރު ޗިނޯ ވަފްލާ އާއި ކޭޓް ބައުޓިސްޓާ ތައްޔާރުވަމުންދިޔައީ އެމީހުންގެ ކައިވެނީގެ ހަފުލާގެ އެންމެ ފަހުގެ ތައްޔާރީތައް ވުމުގަ އެވެ. ފަރުބަދަ ގޮވި ތަނަކީ އެމީހުންގެ ކައިވެނީގެ ޕާޓީ ބާއްވަން ނިންމި ސަރަހައްދާއި 10 ކިލޯމީޓަރު ދުރުގައި އޮތް ސަރަހައްދެއް ނަމަވެސް އެ ސަރަހައްދުގެ މުޅި އުނޑުމަތިން ވެސް އޭގެ އަސަރު ފެނެ އެވެ.

ނަމަވެސް ފަރުބަދަ ގޮވި ނަމަވެސް އެމީހުން ބޭނުންވީ އެ ސަރަހައްދުގައި ޕާޓީ ބާއްވާށެވެ. އެ ސަރަހައްދު، އަޅި އާއި ދުމުން ފުރިފައިވީނަމަވެސް އެގޮތަށް އެމީހުން ކައިވެނީގެ ޕާޓީ ބޭއްވި އެވެ. މިހާރު މިވަނީ ގިނަ ބައެެއްގެ ސަމާލުކަން އެ ފޮޓޯތަކަށް ވެސް ލިބިފަ އެވެ.

- އެމީހުންގެ ކައިވެނީގެ ފޮޓޯތައް

- އެމީހުންގެ ކައިވެނީގެ ފޮޓޯތައް

ފޮޓޯގްރާފަރު ރަންޑޮލްފް އީވާން އެ ކައިވެނީގެ ފޮޓޯތައް ނެގިއިރު އޭނާ ބުނެފައި ވަނީ އެތަނުގައި ޕާޓީ ބޭއްވި ނަމަވެސް ތިބީ ބޮޑު ބިރުވެރިކަމެއްގެ ތެރޭގަ އެވެ. އެގޮތުން ފޮޓޯ ނަގަމުންދިޔައިރު ވެސް އިރުއިރުކޮޅާ ސޯޝަލް މީޑިއާ މެދުވެރިކޮށް އެ އަލިފާން ފަރުބަދައިގެ އެންމެ ފަހުގެ ހަބަރުތައް ބަލަމުންދިޔަ ކަމަށެވެ.