އެޗްޑީސީން ކޮށްފައިވާ އިއުލާނެއްގައި ބުނެފައިވަނީ ކުރިންދިން ފުރުސަތުގައި ގިނަ ބަޔަކަށް ރަޖިސްޓްރީ ނުވެވޭ ކަމުގެ ޝަކުވާ ލިބެމުންދާތީ، ރަޖިސްޓާ ނުވެނުނު ފަރާތްތަކަށް އެ ފުރުސަތު އަލުން ހުޅުވާލާ ކަމަށެވެ.
އަދި މި މަހުގެ 6 ވަނަ ދުވަހުގެ 15:30އާ ހަމައަށް ރަޖިސްޓްރީ ވުމުގެ ފުރުސަތު ވަނީ ހުޅުވާލާފައެވެ.
ރަޖިސްޓްރީވާން ބޭނުންވާ ފަރާތްތަކަށް އެޗްޑީސީން ވަނީ ގޫގުލް ލިންކެއް ގާއިމް ކޮށްފައެވެ.
މީގެ ކުރިން ވަނީ އެޕާޓްމެންޓު ގަންނަން ސެޓްލްމެންޓް އެގްރީމެންޓުގެ ދަށުން ސީލައިފަށް ފައިސާ ދައްކާފައިވާ ފަރާތްތަކުގެ ތެރެއިން އެ ކޯޕަރޭޝަނަށް ލިޔުން ހުށަހަޅައި، އެ ކޯޕަރޭޝަނުން ރީފަންޑުކޮށްދީފައިވާ ފަރާތްތަކަށް، ހުޅުމާލޭ ދެވަނަ ފިޔަވަހީގައި ހަދާ “ވިނަރެސް”ގެ އެޕާޓްމެންޓުތައް ގަތުމަށް ރަޖިސްޓާވުމަށް ހުޅުވާލާފައެވެ.
އަދި އެކަމަށް ގިނަ ބަޔަކު ވަނީ ރަޖިސްޓްރީކޮށްފައެވެ.