މި ފަހުން ކުޅިވަރުގެ މައިދާނުގައި އެންމެ ބޮޑު ޚިދުމަތްތެރިޔާގެ ގޮތުގައި ގިނަ އެތްލީޓުން ގަބޫލު ކުރާ މަރޭއަށް ސްޕޯޓްސް އެވޯޑަށް ދައުވަތު ނުލިބޭކަން އޭނާ ހާމަ ކުރައްވާފައިވަނީ މިއަދު ސޯޝަލް މީޑިއާގައި ކުރި ޕޯސްޓެއްގައެވެ.
މަރޭ ވިދާޅުވީ، އޭނާއަށް ދައުވަތު ލިބުން މުހިއްމު ނޫން ކަމަށެވެ. އެހެންނަމަވެސް މަރޭ ދެކެވަޑައިގަންނަވާ ގޮތުގައި މުހިއްމީ ފިރިހެނުންގެ ފުޓްބޯޅަ ނޫން އެހެން ކުޅިވަރުވައް މި ގައުމުގައި ނެތް ކަމަށް ބަލައިގެން ތިބި ތިބުން ނިމުން ކަމަށެވެ.
ސްޕޯޓްސް އެވޯޑަށް މަރްޒޫގަށް ދައުވަތު ނުލިބުނު އިރު، ގިނަ ބަޔަކު އަންނަނީ ބޮޑު ހޭދައެއް ކޮށްގެން ބޭއްވި މި އެވޯޑަށް ފާޑު ކިޔަމުންނެވެ. ތިރީހަކަށް މިލިއަން ރުފިޔާ ހަރަދު ކުރެވުނު ކަމަށް ބެލެވޭ މި އެވޯޑުގައި ގިނަ ކަންތައްތަކެއް ދޯދިޔާކަމާއި އެއްވެސް ކަހަލަ ރޭވުންތެރިކަމެއް ނެތް ކަމަށް ބުނެ ގިނަ ބަޔަކު އަންނަނީ ކުޅިވަރު ވަޒީރު މަހްލޫފަށް ފާޑު ކިޔަމުންނެވެ.
