އެމްއެމްއޭ އިން ބުނީ، ފާއިތުވެދިޔަ ދެތިން އަހަރު ރާއްޖޭގައި ޗެކު ބޭނުންކުރާ މިންވަރު ވަރަށް ބޮޑަށް ދަށް ކުރެވިފައިވާ ކަމަށާއި، އަދި އަހަރެއް ތެރޭގައި ޗެކު ބޭނުންކުރާ މިންވަރު 50 އިންތަވެސް ދަށްކުރެވުނު ކަމަށެވެ.
މިގޮތުން ފައިސާގެ މުއާމަލާތަށް ސަރުކާރުން ވަރަށް ގިނައިން ޗެކު ބޭނުން ކުރާއިރު، ޗެކު ބޭނުންކުރާ މިންވަރު ދަށް ކުރުމަށް ސަރުކާރުގެ ފަރާތުން ބޮޑު އެއްބާރުލުމެއް ލިބިފައިވާ ކަމަށް އެމްއެމްއޭ އިން ވަނީ ފާހަގަކޮށްފައެވެެ.
ރާއްޖޭގައި ޗެކު އެންމެ ގިނައިން ބޭނުން ކުރަނީ 75 އިންސައްތައާއެކު ކޯޕަރޭޓް ކަސްޓަމަރުން ކަމަށް ފާހަގަކޮށް އެމްއެމްއިން ބުނީ، އެ ޗެކުތައް ބޭޏުންކުރަނީ ވިޔަފާރިތަކަށް ކަމަށާއި، އަދި ކޯޕަރޭޓް ކަސްޓަމަރުން އެކަން ކުރަނީ ގިނަ ފަހަރު ރެކޯޑުތަކަށް ބެހެއްޓުމަށް ކަމަށެވެ.
އެމްއެމްއޭ އިން ފާހަގަކޮށްފައިވާ ގޮތުގައި ފައިސާގެ މުއާމަލާތަށް ޗެކު ބޭނުން ކުރުމުން ގިނަ މައްސަލަތައް ކުރިމަތިވާ ކަމަށާއި، އެގޮތުން ޗެކު ބޭނުން ކުރުން ހުއްޓާލައި ޑިޖިޓަލްކޮށް ހުރިހާ ކަމެއް ބަދަލުކުރަން ޖެހޭ ކަމަށެވެ. އަދި ބޭންކުތަކުން ޑިޖިޓަލް ހިދުމަތްތައް ބޮޑަށް ތައާރަފް ކުރަންވީ ކޯޕަރޭޓް ކަސްޓަމަރުންނަށް ކަމަށްވެސް އެމްއެމްއޭއިން ވަނީ ބުނެފައެވެ.