ހޯދަން އިއުލާނު ކުރީ ނ.މިލަދޫ/ކަންމަތީގޭ އުމުރުން 30 އަަހަރުގެ އަލީ ސޮބާހު އެވެ.
އޭނާ ހޯދަމުންދަނީ އައްޑޫ ސިޓީ ގަންސްޓޭޝަނުން ތަހުގީގު ކުރަމުންދާ, ޑޮލަރު ވިއްކާނެކަމަށް ބުނެ މަކަރާއި ހީލަތުން މީހެއްގެ އަތުން ފައިސާ ހޯދާފައިވާކަމަށް ތުހުމަތުކުރެވޭ މައްސަލައިގެ ތަހުގީގުގައި ސުވާލު ކުރުމަށެވެ.
ނަމަވެސް އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައިނުވާ ކަމަށާއި, އާއިލާއަށް ވެސް އޭނާ އުޅޭ ވަކިތަނެއް އެނގިފައިނުވާކަމަށް ފުލުހުން ބުންޏެވެ.
ފުލުހުން ހޯދަމުންދާ މީހާ
އެ ގޮތުން ފުލުހުން އެންގީ މި މަހުގެ 30 ވަނަ ދުވަހުގެ 12:00 އަށް ޝަހީދު ހުސައިން އާދަމް ބިލްޑިން ނުވަތަ އެންމެ ކައިރި ޕޮލިސް ސްޓޭޝަނަކަށް ހާޒިރުވުމަށެވެ.
ފުލުހުން ވަނީ އޭނާއާބެހޭ އެއްވެސް މައުލޫމާތެއް ލިބިފައިވާނަމަ ގަން ޕޮލިސް ސްޓޭޝަނުގެ ނަންބަރު 9792058 އަށް ގުޅައި ހިއްސާކުރުމަށް އެދިފައެވެ.
