"މެހްރެމާ" ގެ ނަން ދީފައިވާ މި ލަވައަކީ މަޑުމައިތިރި ލަވައެކެވެ. އެގޮތުން ސާރާ އާއި ކާތިކްގެ މެދުގައި ޖެހޭ މައްސަލަތަކުގެ ސަބަބުން ދެމީހުން ދެރަވެގެން އުޅޭ މަންޒަރު މި ލަވައިން ފެނިގެންދެ އެވެ. 

އެގޮތުން ލަވަކިޔުންތެރިޔާ، ދަރްޝަން ރާވަލް އާއި އަންތަރާ މިތުރާ ކިޔާފައިވާ މިލަވައިގެ މިއުޒިކް ތައްޔާރުކޮށްފައި ވަނީ ޕްރިތަމް އެވެ. 

ލޯބިވެރިންގެ ދުވަހު ސިނަމާތަކަށް އަންނަ ފިލްމު، ލަވް އާޖް ކަލްގައި ސާރާ އާއި ކާތިކް އެކުގައި ފެނިގެންދާއިރު މިދިޔަ އަހަރުގެ ފަހުކޮޅުއްސުރެ ކާތިކް އާއި ސާރާގެ މެދުގައި ގުޅުމެއް އޮންނަކަމަށް ބުނެ އަޑުތައް އެރި އެވެ. ނަމަވެސް ދާދި ފަހުން ސާރާ ވަނީ އެކަން ދޮގުކޮށްފަ އެވެ.