މޫސުމާއި ބެހޭ އިދާރާއިން ލަފާކޮށްފައިވާ ގޮތުގައި މިއަދު ހަވީރު 4 ޖެހުމާއި ހަމައަށް ލ. އަތޮޅުން ފެށިގެން އައްޑޫ ސިޓީއާއި ހަމައަށް ބޯކޮށް ވާރޭވެހުމާއި އެކު ގުގުރާނެ އެވެ.

އެއިދާރާއިން ބުނީ ގަޑިއަކު 19 މޭލާއި24 މޭލާ ދެމެދުގެ ބާރު މިނިގައި ވައިޖެހޭނެ ކަމަށާއި ވިލާގަނޑުގައި 45 މޭލަށް ވައި ގަދަވާނެ ކަމަށެވެ. އަދި ކަނޑުތައްވެސް ގަދަވާނެ ކަމަށެވެ. 

ވީމާ ކަނޑު ދަތުރު ކުރުމުގައި ވީހާވެސް ބޮޑަށް ސަލާމަތާއި ރައްކާތެރިކަމަށް ބެލުމަށާއި، މި ދުވަސްވަަރަކީ ވައިގަދަވެ ކަނޑުގަދަ ދުވަސް ވަރެއް ކަމުން މޫސުމަށް ބަލައިގެން ދަތުރު ކުރުމަށް ލަފާދެއްވާ ކަމުގައިއެވެ.

ދެކުނަށް ވައިޓް އެލާޓް ނެރެފައި ވާއިރު އެމްއެންޑީއެފްއިންވެސް ވަނީ ދަތުރުކުރާއިރު ސަމާލު ވުމަށް އަންގާފައެވެ.