ރައީސް ޔާމީން ސައިޒު ކުރާނެކަމުގެ އިންޒާރު ދީފައިވަނީ މޯލްޑިވްސް ޔޫތު ފޯސްއިން އާންމުކުރި ވީޑިއޯ އަކުންނެވެ.
މި ވީޑިއޯގައި ފެންނަނީ ކުރީގެ ނައިބު ރައީސް އަހުމަދު އަދީބުގެ އެމްޓީޑީއަށް ނިސްބަތްވާ ހުސައިން ސައީދު ނަމަކަށް ކިޔާ މީހެކެވެ.
މި ކަމުގެ މައުލޫމާތު ހޯދުމަށް ސީއެންއެމްއިން އިމިގްރޭޝަނަށް ގުޅާލުމުން ވިދާޅުވީ މިފަދަ ކަންކަމާއި ގުޅިގެން މީހުންގެ ޒާތީ މައުލޫމާތު އެއްވެސް ފަރާތަކަށް ހިއްސާ ނުކުރާ ކަމަށެވެ. އަދި ވިދާޅުވީ ރައީސް ޔާމީނަށް އިންޒާރުދިންކަމަށް ބުނާ މީހާ ފުރުވާލާފައިވާކަމަށް ދެކެވޭ އެއްވެސް ވާހަކައެއް ސޯޝަލް މީޑިޔާއިން ފެނިފައިނުވާ ކަމަށެވެ.
މޯލްޑިވްސް ޔޫތު ފޯސް އިން ރައީސް ޔާމީނަށް އިންޒާރުދިނުމަށް އާންމުކުރި ވީޑިއޯގައި ބުނެފައިވަނީ މި ގައުމުގައި ކުރިން ވެރިކަން ކުރި މީހަކު އަނެއްކާވެސް މި ގައުމު އިނދަ ޖައްސާލަން މަސައްކަތް ކުރާ ކަމަށެވެ.
މޯލްޑިވްސް ޔޫތު ފޯސްގެ އިންޒާރުދިނުމުގެ މި މައްސަލަ ޕީޕީއެމްގެ ފަރާތުން ވަނީ ފުލުހުންނަށް ހުށައަޅާފަ އެވެ. އަދި މި މައްސަލަ ސީރިއަސް މައްސަލައެއްގެ ގޮތުގައި ބަލައި ދިނުމަށް ވަނީ އެދިވަޑައިގެންފަ އެވެ.