ވަޒީފާއާ ބެހޭ ޓްރައިބިއުނަލުން މި ގޮތަށް ކަނޑައަޅާފައިވަނީ މިދިޔަ އަހަރުގެ ތެރޭގައި އެސްޓީއޯގެ ބޭސް ފިހާރައަކުން ކަނޑާލި ފާމަސިސްޓަކު، އޭނާ ވަޒީފާއިން ކަނޑާލާފައިވަނީ ގާނޫނާ ޚިލާފަށް ކަމަށް ބުނެ، އަލުން ވަޒީފާ ހޯދުމަށް ވަޒީފާއާ ބެހޭ ޓްރައިބިއުނަލަށް ހުށަހެޅި މައްސަލައިގައެވެ.
މައްސަލައިގައި ކަން ހިނގާފައިވާ ގޮތަށް ބަލާއިރު، ފާމަސިސްޓް ވަޒީފާއިން ވަކިކޮށްފައިވަނީ ނުބައި ބޭހެއް ދޫކުމުގެ ހާދިސާއެއްގައި ކުރިންވެސް ނަސޭހަތް ދިނުމަށް ފަހުގައި ކަމަށް މައުލޫމާތު ލިބިފައިވެއެވެ. އަދި ދެވަނަ ފަހަރަށް އެކަން ތަކުރާރުވުމުން، އެކަން ހިނގާފައިވާ ގޮތް އެސްޓީއޯއިން ބެލިއިރު، ބޭސް ދޫކުރުމުގައި އަމަލު ކުރަމުން އަންނަ އުސޫލުތަކާ އެ ފާމަސިސްޓް ހިލާފުވެފައިވާކަން ފާހަގަ ކުރެވިފައިވެއެވެ. އަދި އެކަމާ އެ ފާމަސިސްޓް އިއުތިރާފުވެފައިވާކަމަށްވެސް މައުލޫމާތު ލިބިފައިވެއެވެ.
އެސްޓީއޯގެ ފާމަސީ އަކުން ނުބައި ބޭހެއް ދޫކުރުމުގެ މައްސަލަ ފެންމަތިވެފައިވާއިރު، ތަމްރީނު ނެތް ފާމަސިސްޓުން ބޭސް ދޫކުމުގައި ހަރަކާތްތެރިވާ ކަމަށް މީގެ ކުރިން ބައެއް ފަރާތްތަކުން ބުނެފައިވެއެވެ.