މެދުތެރޭ އަދި ހުޅަނގު އެފްރިކާގައި އާއްމު މި ބަލި މިފަހުން ފެނިފައިވާ ގައުމުތަކުގެ ތެރޭގައި ޔޫރަޕްގެ ނުވަ ގައުމެއް ހިމެނޭކަން ޔޫރަޕުގެ ޕަބްލިކް ހެލްތު އެޖެންސީތަކުން ވަނީ ހާމަކޮށްފައެވެ.

މިހާތަނަށް ބަލި ފެނިފައިވާ ކަމަށް ރިޕޯޓުކޮށްފައިވާ ގައުމުތައް

1. އެމެރިކާ
2. ޕޯޗުގަލް 
3. ސްޕެއިން
4. ޖާމަނީ
5. ބެލްޖިއަމް
6. ފްރާންސް
7. ނެދަލޭންޑްސް
8. އިޓަލީ
9. ސްވެޑެން

އެމެރިކާއިން މިހާތަނަށް 20 ކޭސް ފެނިފައިވާއިރު، މި ވައިރަސް ފެނުމާއި ގުޅިގެން އެގައުމުގެ ހެލްތު ޑިޕާޓްމަންޓުން ބުނީ، މި ވައިރަސް ހުރި މީހަކީ، ކެނެޑާއިން އެގައުމަށް އެތެރެވި މީހެއް ކަމަށާއި، އޭނާގެ ފަރާތުން މި ބަލި އެހެން މީހުންނަށް ޖެހިފައި ވާކަމަށެވެ. 

މަންކީޕޮކްސް އަށް މިހާތަނަށް ފަރުވާއެއް ލިބޭ ހާއްސަ ވެކްސިނެއް އުފައްދައިފައި ނުވިނަމަވެސް ސްމޯލްޕޮކްސް(ކަށިވިދުރީ)ގެ ވެކްސިން ދިނުމުން މަންކީޕޮކްސް ބަލީގެ 85 އިންސައްތަ މީހުންނަށް ރައްކާތެރިކަން ލިބެއެވެ.

މި ބަލި ޖެހިފައިވާ މީހަކާއި ގާތުން ބައްދަލުވެ އުޅުމުން ބަލި ފެތުރުމުގެ ފުރުސަތު އޮވެއެވެ. ހަލާކުވެފައިވާ ހަންގަނޑުގެ ތެރެއިންނާއި ލޮލާއި، ނޭފަތް އަދި އަނގައިން މި ވައިރަސް ހަށިގަނޑަށް ވަދެއެވެ. 

ޔޫރަޕުގެ ނުވަގައުމަކުން މި ބަލި ފެނިފައިވާއިރު، އިންސާނީ ހައްޤުތަކުގެ ތެރެއިން އެމީހަކު ބޭނުންގޮތަކަށް ޖިންސީ އެދުންވެރިކަން ފުއްދުމުގެ އިހްތިޔާރު ދެވިފައިއޮންނާންވާނެކަމަށް އެންމެބޮޑަށް ވަކާލާތު ކުރަނީ ވެސް ޔޫރަޕުގެ ގައުމުތަކުންނެވެ. 

އިސްލާމު ދީނުގައި އެއްޖިންސުން ގުޅުން ހިންގުން ނުވަތަ ލިވާޠުކުރުމުގެ ހުކުމަކީ އެކަމުގައި ބައިވެރިވާ ދެފަރާތަށް ގަތުލުގެ ހުކުމް ކަނޑައެޅިފައިވާ ނުބައިކަން ބޮޑުވެގެންވާ ފާފައެކެވެ. އެކަމުގެ ސަޒާއަކީ ގަތުލު ކަމުގައި އަޞްޙާބުންނާއި ތާބިއީން، އުންމަތުގެ ސަލަފުން އިތްތިފާގުވެވަޑައިގަންނަވައެވެ. 

އަބޫދާވޫދާއި އައްތިރުމިޛީއާއި އިބުނު މާޖާ، މިތިން އިމާމުން އިބްނު އައްބާސްގެ އަރިހުން ރަނގަޅުސަނަދުން ރިވާކުރައްވާފައިވެއެވެ. އިތުރުއެކަލޭގެފާނު ހަދީޘްކުރެއްވިއެވެ. “ލޫޠު ގައުމުގެ މީހުން ކުރި އަމަލު ކުރަނިކޮށް ތިޔަބައިމީހުނަށް ފެނިއްޖެނަމަ އެކަން ކުރާ ދެފަރާތް ގަތުލު ކުރާށެވެ.”