މައުލޫމާތު ލިބޭގޮތުގައި 49 އަހަރުގެ ސެންޓަރު މުހައްމަދު ފުޓްބޯޅަ ކުޅެން ހުއްޓައި ކުއްލިއަކަށް ހާޓުއެޓޭކެއް ޖެހި ދަނޑުމައްޗަށް ވެއްޓުމުން އެތަނުގައި އެވަގުތު ހުރި ޑޮކްޓަރު އޭނާ ބެލިއިރުވެސް ވިންދު ނެތެވެ.
އެއަށްފަހު ވަގުތުން ހޮސްޕިޓަލަށް ގެންދިޔަ ނަމަވެސް ހޮސްޕިޓަލުން ވަނީ އޭނާ ނިޔާވެފައިވާކަން ކަށަވަރުކޮށްދީފަ އެވެ.
ކުޅުދުއްފުށީ ހޮސްޕިޓަލުން ބުނީ، ސެންޓަރު މުހައްމަދަކީ ދިގު މުއްދަތަކަށް އެރަށު ރީޖަނަލް ހޮސްޕިޓަލަށް ނުހަނު އަގުހުރި ހިދުމަތްތަކެއް ކުރައްވާފައިވާ ބޭފުޅެއް ކަމަށެވެ.
އޭގެތެރޭގައި ހޮސްޕިޓަލުގެ ޒންމާދާރުވެރިޔެއްގެ މަގާމު ގިނަދުވަސްތަކެއް ވަންދެން އަދާ ކުރެއްވާފައިވެއެވެ.
އޭނާ މިއަދު ކުއްލިއަކަށް ނިޔާވިއިރު، ހުންނެވީ ސީނިއަ ލެކޯޓް ޓެކްނީޝަނެއްގެ މަގާމުގައެވެ.
ސިއްހީ ދާއިރާއަށް 25 އަހަރަށްވުރެ ގިނަ ދުވަހު ހިދުމަތްކުރެއްވި މުހައްމަދު ނިޔާވުމަކީ އެ ދާއިރާއަށް ލިބުނު ފޫނުބެއްދޭވަރުގެ ބޮޑު ގެއްލުމެެއް ކަމަށް ހޮސްޕިޓަލުން ބުންޏެެވެ.
